बुटवल । हिजो शुक्रबार भैरहवास्थित गौतमबुद्ध अन्तर्राष्ट्रिय विमानस्थल पूर्ण रुपमासञ्चालनको मागगर्दै निजी क्षेत्र सम्बद्ध संस्थाहरुले विमानस्थल अगाडि धर्ना दिए । र आन्तरिक उडान बन्द गर्ने चेतावनी पनि दिए ।
धर्ना दिनुको मुख्य कारण थियो, विमानस्थल पूर्ण रुपमा सञ्चालनमा आओस् । व्यवसायीको यो माग जायज हो । निजी क्षेत्रका संघ संस्थाहरुले भैरहवामा सकिनसक्दै बुटवलमा भएको होटल तथा रेष्टुरेन्ट व्यवसायी संघको अधिबेशनमा पुर्व उपप्रधानमन्त्री तथा एमाले उपाध्यक्ष विष्णु पौडेलले सम्बद्ध निकायको हेलचक्रयाई र कमजोरीका कारण भैरहवामा बनेको गौतमबुद्ध अन्तर्राष्ट्रिय विमानस्थल सञ्चालनमा आउन नसकेको बताए ।
यता व्यवसायीले धर्नाको एक्येबद्धता समेत जनाएका पौडेलले कमिजोरी गर्नेसबै निकायले कमजोरी सुधार गर्नुपर्ने बताए ।
४० अर्बको लगानीमा बनेका विमानस्थल पूर्ण रुपमा सञ्चालनमा नआउँदा धेरैले यसलाई छिटो पूर्ण रुपमा सञ्चालन गर्न माग गरिरहेका छन् । यहि विमानस्थल लाई लक्षित गर्दै रुपन्देहीमा ठुला लगानीमा होटल खुलिरहेका छन भने पर्यटकिय नयाँ गन्तव्यहरु पनि तयार भइरहेका छन् ।
विमानस्थल पूर्ण रुपमा सञ्चालनका लागि सरकार, मन्त्रालय र सरोकारवाला निकायले चासो नदिएको कारण निजी क्षेत्रको लगानी समेत संकटमा रहेको भन्दै विमानस्थल पूर्णत सञ्चालनमा ल्याउनु पर्ने चेम्बर अफ कमर्श रुपन्देहीका अध्यक्ष अनिलकुमार ज्ञवालीले बताए ।
सञ्चालनमा आएको महिनौँ दिन वित्दा समेत अन्तर्राष्ट्रिय विमानस्थलमा साताको ३ दिनमात्रै एक–एक उडान हुँदै आएको छ ।
