बजारमा गुणस्तर कायम गर्नको लागि नापतौलको यन्त्र उपयुक्त रूपमा राख्नु भएकोले व्यवासयाीहरु सचेत बन्नु पर्ने एक कार्यक्रमका वक्ताहरूले जोड दिएका छन् ।
रुपन्देही खुद्रा किराना व्यवसायी सङ्घले बुटवलमा आयोजना गरेका अन्तरक्रिया कार्यक्रमका ढक ,किला काँटा ,लिटर मिटर अनिवार्य रूपमाजाँच गराउनु पर्ने जोड दिएको छ । यसरी नापतौल यन्त्रमा सचेत बनेका व्यवासायीहरुको विश्वसनीयता र गुणस्तरमा वृद्धि हुने बताएको छ ।
गुणस्तर तथा नापतौल सम्बन्धमा कार्यालय बुटवलका प्रमुख शम्भु कुमार झाले नापतौलको रूपमा अनिवार्य रूपमा अनुमति पत्र ल्याउनु पर्ने बताउँदै व्यापारी तथा उद्योगीहरूले त्यसलाई ध्यान दिनु पर्ने बताए ।
उनले संसारभर नै ढक, तौल, लिटर, मिटर जाँच गर्ने प्रचलन हुने भएकोले नापतौलको लाईसन्स लिएपछि उपभोक्ताको विश्वास बढ्ने बताए । उनले यस्तो नगर्ने माथि कानुन अनुसार नै अगाडि जाने बताए ।
खुद्रा किराना व्यवसायी सङ्घ रुपन्देहीका अध्यक्ष मोहन बस्याले ढक तराजु कार्यालयमा दर्ता र नविवरण गर्नको लागि आफ्ना सदस्यहरू उत्सुक रहेको भन्दै सहजीकरण गरिदिन आग्रह गरेका थिए ।
कार्यक्रमका निरीक्षक अधिकृत दीपेन्द्र रोकाया , सङ्घका महासचिव गोपाल कुमार प्रधान , ढक काटा दर्ता तथा नवीकरण उपसमिति संयोजक कुलचन्द्र गौतम लगायत बोल्दै ढक तराजु सहज रूपमा नवीकरण गर्ने वातावरण तयार गर्न आग्रह गरेका थिए ।
पहिलो चरणमा आइतबार र सोमबार सङ्घको कार्यालयमा ढक काटा को नवीकरण र दर्ता गरिने छ ।
