बुटवल । लुम्बिनी सामुदायिक टेलिभिजन बुटवलका संवाददाता, उकेरा डटकमका लुम्बिनी प्रदेश संवाददाता पत्रकार विकास पराजुली सम्मानित भएका छन् । औषधी व्यवसायी संघ रुपन्देहीको चौथो बार्षिक साधारण सभा तथा दोस्रो अधिबेशनको अवसरमा पत्रकार पराजुलीलाई स्वास्थ्य क्षेत्र बारे समाचारका माध्यमबाट खवरदारी गरेको भन्दै स्वास्थ्य पत्रकारिताबाट नगद १० हजार सम्मानित भएका हुन । उनलाई लुम्बिनी प्रदेशका स्वास्थ्य मन्त्री विष्णु पन्थी, संघका अध्यक्ष सुरज भटट्राई, देवदह नगरपालिकाका नगरप्रमुख धुब्र खरेलले संयुक्त रुपमाले नगद सहित दोसल्ला, प्रमाणपत्रले सम्मान गरेका थिए । सो कार्यक्रममा बोल्दै स्वास्थ्य मन्त्री पन्थीले लुम्बिनी प्रदेश औषधि उत्पादनमा आत्मनिर्भर बनाउन प्रदेश सरकारले सहयोग गर्ने बताए । पत्रकार पराजुलीले १२ बर्ष देखि रुपन्देहीलाई कार्यक्षेत्र बनाई पत्रकारिता गर्दै आएका छन् ।
