रुपन्देहीको पक्लिहवा कृषि क्याम्पसमा भएको स्वतन्त्र बिद्यार्थी युनियन (स्ववियु) को निर्वाचनमा नेपाल बिद्यार्थी संघ र अनेरास्ववियुको टीम विजयी भएको छ ।
सभापतिमा नेविसंघका प्रविन वस्याल वस्याल विजयी भएका छन् । पक्लिहवा कृषि क्याम्पसमा बुधबार मात्रै निर्वाचन भएको थियो । यहाँको स्ववियु निर्वाचनमा अनेरास्ववियु र नेविसंघवीच तालमेल भएको थियो ।
यस्तै सचिवमा अनेरास्ववियुका हरिकृष्ण पोखरेल, कोषाध्यक्षमा प्रविण बुढाथोकी निर्वाचित भएका छन् । त्यसैगरी सदस्यहरुमा अनेरास्ववियुका ३ जना र नेविसंघका २ जना विजयी भएका छन् ।
अनेरास्ववियुका तर्फबाट विबेक खनाल, उर्मिला क्षेत्री र आशुतोष अधिकारी निर्वाचित भए। नेविसंघको तर्फबाट प्रकृति घिमिरे र सुदिप शर्मा तिमिल्सिना विजयी भएको निर्वाचन अधिकृत दीपक खनालले जानकारी दिए ।
