रुपन्देहीको भैरहवा स्थित भैरहवा बहुमुखी क्याम्पस र पक्लिहवा क्याम्पसमा स्ववियु निर्वाचन जारी छ । विहान ८ बजेबाट मतदान सुरु गर्ने भनिएपनि व्यवस्थापनमा भएको ढिलाईका कारण ९ बजेबाट मतदान सुरु भएको हो ।
क्याम्पस परिसरमा अहिले मतदान जारी छ, शान्तिपुर्ण रुपमा मतदान भइरहेको छ भने, मतदान स्थल बाहिर विद्यार्थीहरुको हुुल रहेको छ । संगठगन, गठबन्धन र स्वतन्त्र रुपमा पनि उम्मेदवारी दिएका छन । भैरहवा क्याम्पसमा अध्यक्षका लागि ७ जनाको उम्मेदवारी छ भने पक्लिहवा क्याम्पसमा गठबन्धन र स्वतन्त्र गरी २ जना अध्यक्षका दाबेदार रहेका छन । उम्मेदवार र समर्थकहरुले मत माग्दै हिडेका छन भने मतदाताहरु लामबद्ध भएर मताधिकारको प्रतिक्षामा छन । विक्रम सम्वत २०२५ सालमा स्थापना भएको भैरहवा बहुमुखी क्याम्पसमा ३ हजार ३ सय ९४ जना मतदाता रहेको छन भने पक्लिहवा क्याम्पस तर्फ ६ सय ८९ मतदाता रहेका छन । चैत ५ गते निर्वाचन घोषणा भएपनि विवादले आज स्ववियु निर्वाचन हुदैछ ।
शव्द तस्वीरः मोहम्मद हबिब
