‘जव ग्यारेन्टी भनेर भर्ना भयौं । तर १ बर्ष सम्म पनि विदेश पठाउन सकेन । त्यहि कारण हामी अहिले नेल आर्टको विरुद्धमा छौ’ उनले भनिन् ।
दुवई जाने भन्दै कार्की सहित अन्य ७ जनाले प्रतिव्यक्ति ४ लाख रुपैयाँ द जंग स्ट्रोङ नेल आर्ट प्रा.लिलाई बुझाएका थिए । उक्त रकम २ लाख टे«डिङ खर्च र २ लाख विदेश जाँदा लाग्ने खर्च भनी नेल आर्टले लिएको थियो ।

तर एक बर्ष सम्म पनि विदेश नलगेपछि अहिले आफुहरुले ४ लाख मध्ये आधा रकम टे«डिङ खर्चका साथै प्रोसेसिङमा खर्च भएको भएपनि ४ लाखको आधा रकम २ लाख आफुहरुले फिर्ता पाउनुपर्ने उनले बताईन ।

अर्की पिडित जुनु परियारले विदेश पठाउने भन्दै १ बर्ष सम्म अल्मलाएपछि अहिले आफुहरुले प्रा.लिलाई दिएको आधा रकम फिर्ता मागेको बताईन ।‘४ लाख रुपैया नेल आर्टले माग्दा हामीलाई मासिक १ लाख तलव हुन्छ भनेर आश्वासन समेत दिएका थिए । तर अहिले विदेश पठाएनन । आधार रकम फिर्ता देउँ भन्दा पनि दिएका छैनन्’ उनले भनिन् ।

अहिले रकम फिर्ता माग गर्दै पिडितहरु ईलाका प्रहरी कार्यालय सम्म पुगेका छन् । ईलाका प्रहरी कार्यालयले मध्यस्तको भुमिका निर्वाह गरेपनि यो विषय बैदेशिक रोजगार विभाग संग सम्बन्धित रहेको ईलाका प्रहरी कार्यालय बुटवलका प्रमुख दान बहादुर थापाले बताए ।

उनले पहिलो चरणमा दुवै पक्षलाई राखेर समधानको बाटो खोज्न आग्रह गरेपनि अहिले सम्म यो विषयको टुंगो दुवै पक्षले नगरेको बताए ।

पिडितहरु दुर्गा रायमाझिले ४ लाख २० हजार, जुनु परियारले २ लाख ७५ हजार, दिपिका सापकोटा, सोनम सुनार, तुल्सी खत्रीले ३ लाख ५० हजार÷३ लाख ५० हजार, मौसमी कार्कीले ३ लाख २० हजार र सिखा गुरुङले २ लाख ३५ हजार नेल आर्टलाई बुझाएका छन् ।

द जंग स्ट्रोङ नेल आर्ट प्रा.लिका बुटवल प्रमुख विजेन्द्र मल्ल (किरण)ले कतिपयको प्रक्रिया पुरा हुन नसकेको स्वीकार गर्दै पैसाको फिर्ताको विषयमा काठमाडौंको केन्द्रीय कार्यालयमा छलफल भइरहेको बताए ।

उनले आफुहरुले डिसिजन गर्न नसक्ने भएपछि प्रा.लिका कार्यकारी निर्देशकलाई बुटवलमा बोलाएको बताए । आईतबार कार्यकारी निर्देशक सुनिल जंग मल्ल आएपछि मात्र यस बारे निचोडमा पुग्ने उनले बताए ।

प्रा.लिका जनरल म्यानेजर निरज जिरेलले रकम फिर्ता गर्ने विषयमा काठमाडौंमा कुरा भइरहेको बताए ।
काठमाडौंमा केन्द्रीय कार्यालय रहेको द जंग स्ट्रोङ नेल आर्ट प्रा.लिले बुटवल बाट पनि कामदारलाई विदेश पठाउने गर्दछ ।