झारफुक गर्ने बहानामा कुटपिट गरी हत्या गर्ने एक जनालाई ईलाका प्रहरी कार्यालय सालझण्डीले पक्राउ गरेको छ ।
पक्राउ पर्नेमा रुपन्देहीको सैनामैना नगरपालिका वडा नं. १० की २२ बर्षिय सोनिया रेश्मी रहेकी छिन् ।
सैनामैना वडा नं. १० झिमझिमेकी १४ बर्षिय सिता ज्ञवालीलाई झारफुक गर्ने बाहनामा रेश्मीले कुटपिट गर्दा मृत्यु भएको आरोपमा प्रहरीले रेश्मीलाई पक्राउ गरेको हो । घटना फागुन २० गतेको हो ।
कुटपिट बाट मृत्यु भएकी ज्ञवालीको राती नै दाहसंस्कार गरेको सूचना प्रहरीमा पुगेपछि प्रहरीले अनुसन्धान गरेको थियो । अनुसन्धानका क्रममा झारफुक गर्ने बाहानामा ज्ञवालीको कुटपिट बाट मृत्यु भएको देखिएपछि रेश्मीलाई पक्राउ गरिएको जिल्ला प्रहरी कार्यालय रुपन्देहीका प्रबक्ता प्रहरी नायव उपरिक्षक श्यामु अर्यालले जानाकारी दिए ।
