कृषि उपजको उत्पादन वृद्धि र लागत घटाउने उद्देश्यले तिलोत्तमा नगरपालिका कार्यालयले कृषकलाई अनुदानमा कृषि औजार वितरण गरेको छ ।
तिलोत्तमा नगरपालिकाको ५० प्रतिशत अनुदानमा नगर भित्रका किसानहरुका लागि हाते ट्रयाक्टर, कम्प्रेसर मेसिन, औषधी तथा पानीछिट्ने मेसिन, महदानी लगायतका कृषि औजार बितरण गरिएको छ।
कृषकलाई परम्परागतखेती प्रणालीको विकल्पमा यान्त्रिकीकरण र आधुनिकीकरण गर्न अग्रसर बनाउने उद्देश्यले नगरपालिकाकार्यालयको ५० प्रतिशत अनुदानमा कृषि औजार वितरण गरेको हो ।
औजार वितरण गरेपछि काममा सहजता पनि हुने र काम गर्नेले पालैसँग जोत्दा रोजगार पनि पाउने भएकाले यान्त्रिकीकरणलाई जोडदिएको नगर प्रमुख राम कृष्ण खाणको भनाइ छ । कार्यालयको अनुदानमा यहाँका मुख्य बस्तीमा मौरिको मह का्ड सजिलो हुने म्यासिनवितरण गरेको छ ।
किसानको मागका आधारमा नगरपालिका कार्यालयले ५० प्रतिशत अनुदानमा मौरीको घार पनि वितरण गरेको छ ।
“खेतीमा सहजता प्रदान गर्नका लागि ५० प्रतिशन अनुदानमा मिनीटेलर वितरण गरिएको प्रमुख खाणले बताए।
किसानलाई कृषिकार्यमा उत्साह र उत्प्रेरण प्रदान गर्न कृषि वस्तु उत्पादन र खेती प्रणालीमा सहजता प्रदान गर्न नगरपालिकाले किसानलाई सहयोग गर्ने नगर प्रमुख रामखकृष्ण खाणले बताए ।
किसानले उत्पादन गरेको वस्तुलाई बजारीकरण गर्न पालिकाले सहयोग पनि गर्ने उनले बताए ।
