बुटवल । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रतिगमनको खतरा कायम रहदा सम्म यो गठबन्धन जारी रहने बताएका छन् । उनले चुनाव सम्म मात्र गठबन्धन आवश्यकता नरहेको भन्दै देशमा अझै पनि प्रतिगमनको खतरा भइरहेकाले प्रतिगमनको खतरा कायम रहदा सम्म गठबन्धन जारी रहने बताए ।
बुटवलमा भएको संयुक्त चुनावी प्रशिक्षण कार्यक्रममा बोल्दै उनले अहिले सवै एउटै डुंगामा भएको र जिते सवैले जित्ने तथा हारे सवैले हार्ने भएकाले गठबन्धन बीचमा कुनै पनि शंका हुन नहुने बताए । साथै उनले संविधानको रक्षा, स्थायी विकास र निर्माणको निम्ती गठबन्धन अहिलेको आवश्यकता रहेको बताए ।
अहिलेको निर्वाचनमा दुई गठबन्धन बीच व्याटल हुन लागेको भन्दै देशलाई प्रतिगमन तर्फ लैजाने गठबन्धन र देश विकास तर्फ लैजाने गठबन्धनलाई जनताले चुन्नुपर्ने बताए ।
साथै उनले नेकपा भित्र खवरदारी गर्दा गर्दै बहमुतको सरकारले सुसासन दिने, विकास दिनेको सट्टा निकै ठुलो आहंकारी बनेको, सुनियोजित तरिकाले भ्रष्टचार भएपछि हामीले त्यसका विरुद्ध आफुहरुले आवाज उठाएको बताए । ‘यस्तो सोच विरुद्ध पार्टीभित्र संघर्ष गर्ने कोसिस गरेका थियौ । त्यो कोसिसलाई संसद विघटन गरेर जवाफ दिने काम भयो । पार्टी भित्र पराजय देखेपछि जनताको सार्वभौम संस्थालाई विघटन गराएर पार्टी भित्रको संघर्षको बदला लिने कार्य भयो । त्यो देशलाई प्रतिगमन तर्फ लैजाने कार्य नै थियो ।’ उनले भने ।
प्रतिगमनलाई परास्त गर्न धेरै मेहनत पछि यो गठबन्धन बनेको बताउँदै एकाधिकारबाद लाई तोडन् पार्टीभित्र र बाहिर बाट पराजित गर्ने गरी गठबन्धन बनेको बताए ।
‘हामी गठबन्धनका नेताहरु चुनाव जित्नका लागि मात्र होईन, राष्टको रक्षा, गणतन्त्रको रक्षाको निम्ती यो गठबन्धन गरेका ाहौ । बैचारिक धरातलमा गठबन्धन बनाएका छौ ।’ उनले भने ।
