बुटवल । प्रधानमन्त्री शेर बहादुर देउवाले अहिलेको गठबन्धन अपरिहार्य रहेको भन्दै मंसिर ४ गते पछि पनि गठबन्धनकै सरकार बन्ने बताएका छन् । बुटवलमा भएको संयुक्त चुनावी प्रशिक्षण कार्यक्रममा बोल्दै देउवाले संविधान, गणतन्त्र स्थापित गर्ने गरी यो गठबन्धनलाई अझै १०÷२० बर्ष सम्म लैजाने बताए । ‘गठबन्धनलाई कुनै पनि बाहनामा एकअर्का पार्टी बीच शंका उपसंका गर्ने छुट छैन । यो अहिलेको आवश्यकताले गठबन्धन बनेको हो । हामीले उदार दिलका साथ हामी माओवादी पक्षका लाग्नुपर्छ, समाजबादीको पक्षमा लाग्नुपर्छ । एकअर्कालाई विश्वास दिलाउनुपर्छ ।’ उनले भने ।
साथै उनले अहिले संघिय व्यवस्थालाई खतम पार्ने र गणतन्त्रलाई कमजोर बनाउने प्रयास भइरहेको भन्दै संघियता, गणतन्त्र बचाउन र संविधानको रक्षाका लागि गठबन्धनको आवश्यकता रहेको बताए । ‘अहिलेको बेला हाम्रो गठबन्धन छ, उहांहरुले मलाई सम्मान गरेर प्रधानमन्त्री बनाउनुभएको छ । कांग्रेसको जिम्मेवारी गठबन्धन बलियो बनाउने भन्नेछ । अहिले पार्टी गठबन्धन जो छ, यसलाई बचाउन अति आवश्यक छ । यसका लागि कुनै पनि किसिमको शंका, उपशंका गर्ने ठाउँ दिनुहुदैन ।’ उनले भने ।
नेपाली कांग्रेसका सभापती समेत रहेका देउवाले गठबन्धनका कारण धेरैले चुनावमा टिकट नपाएको भन्दै अन्य स्थानमा पनि टिकट नपाएकाहरुले अवसर पाउने बताए । ‘अहिले सवैलाई टिकट चाहिएको छ। गठबन्धन छ जितिहाल्छु भन्ने छ । गठबन्धनले जित्छु भन्नु आशा पनि होला । सवैलाई आग्रह छ, धेरै ठाउँमा स्थान छ । आज नपरे भोली पर्न सक्छ । राजनितीक नियुक्ती हुन सक्छ । त्यसैले अहिलेको स्टमको रक्षा गर्न अति आवश्यक छ ।’ उनले भने ।