लुम्बिनी प्रदेश सरकारका मुख्यमन्त्री लिला गिरीले विश्वासको मत प्राप्त गरेका छन् ।
विहिबार बसेको प्रदेश सभाको चौथो बैठकमा मुख्यमन्त्री गिरीले विश्वासको मत प्राप्त गरेका हुन । संसदमा उपस्थित कुल ८६ सांसद मध्ये मतदानमा ८५ सांसदले भाग लिएकोमा पक्षमा ५७ मत गिरीले प्राप्त गरेका हुन ।
विपक्षीमा भने २८ मत परेको थियो । नेपालको संविधानको धारा १८८ को उपधारा (१) तथा लुम्बिनी प्रदेश नियमावली २०७९ को नियम १४५ को उपनियम (४) बमोजिम बमोजिम मुख्यमन्त्रीले विश्वासको मत लिएका हुन ।
मुख्यमन्त्री गिरीलाई एमाले २८, माओवादी केन्द्रका ८, राप्रपा र नागरिक उन्मुक्ति पार्टीका ४–४, जसपा,लोसपा र जनमतका ३–३, नेकपा एकीकृत समाववादी १ र २ स्वतन्त्र सांसदहरुको सहित ५७ जनाले पक्षमा मतदान गरे ।
नेकपा माओवादी संसदिय दलका नेता जोखबहादुर महराको आमाको निधन भएपछी उनी भने बैठकमा उपस्थित थिएनन भने सभामुख मतदानमा सहभागी भएनन । जसले गर्दा विश्वासको मत ५७ र विपक्षमा २८ मत खस्यो ।
सरकार गठनमा पक्षमा नरहेको एकीकृत समाजवादी पार्टीले मुख्यमन्त्री गिरीलाई विश्वासको मत भने दिएको छ ।
प्रदेश सभा सदस्य भगवती घिमिरेले गिरीलाई विश्वासको दिईन । विपक्षमा नेपाली कांग्रेसको २७, राष्ट्रिय जनमोर्चाको एक गरी २८ जनाले मतदान गरेका छन । मुख्यमन्त्री लिला गिरीले प्रदेशलाई समृद्ध बनाउन साझा उद्देश्यका साथ अघि बढ्ने प्रतिबद्धता व्यक्त गरे ।
