बार्षिकोत्सव तथा विद्यार्थी प्रतिभा प्रस्फुटन कार्यक्रमको उद्घाटन गर्दै बुटवल उपमहानगरपालिका वडा नं ९ का वडाअध्यक्ष प्रदिप कुमार श्रेष्ठले विद्यार्थीको चौतर्फि विकासका लागि प्रतिभा प्रस्फुटन कार्यक्रम उपयुक्त थलो भएको उल्लेख गर्दै शैक्षिक गुणस्तरवृद्धिमा स्कलर्स होमले खेलेको भुमिकाका बारेमा चर्चा गरे ।
कार्यक्रममा एन प्याब्सनका केन्द्रीय सदस्य देउप्रकाश राई, एन प्याब्सन जिल्ला अध्यक्ष पुरुषोत्तम बस्याल, अभिभावक संघका रुपन्देही अध्यक्ष लोकनाथ ज्ञवाली, विद्यालयका संस्थापक प्राचार्य शिव गुरुङ्ग लगायतले शैक्षिक विकास सक्रिय संस्थापक विद्यालयहरुको स्तरवृद्धि गर्न सरकार सकारात्मक हुनु पर्ने बताए ।
विद्यालयका प्रशासकीय प्रमुख लोकराज भण्डारी (राजु)को संचालनमा भएको कार्यक्रममा ५० बढी विधामा उत्कृष्टता हासिल गर्ने तीन सय विद्यार्थीलाई तथा अभिभावकहरु विच खेलाइएको बेलुन ब्लाष्ट, मेमोरी पावर प्रतियोगितामा उत्कृष्टता हासिल गर्ने अभिभावकहरुलाई शिल्ड मेडल, तथा प्रमाणपत्रले पुरस्कृत गरिएको थियो ।