नवनिर्वाचित कार्यसमिति अन्तर्गत रविन बस्नेत उपाध्यक्ष, राधिका विष्ण महिला उपाध्यक्ष, मनोज ज्ञवाली महासचिव, प्रेम जि.सी सचिव, कमला कुँवर सह सचिव र हरि विष्ट कोषाध्यक्षमा चयन भएका छन् ।

त्यस्तै सह कोषाध्यक्षमा दिपक कुँवर र प्रबक्तामा सुनिल थापा चयन भएका छन् ।

त्यसैगरी सदस्यहरूमा शंकर बस्नेत, हिरा बहादुर कुँवर, सुरज खड्का, रञ्जिता कुँवर, माया कुँवर, बावुराम विश्वकर्मा, सिता बस्नेत, ईन्दु विष्ट, माधव खनाल, मिना थापा र चन्द्र बहादुर महत चयन भएको प्रबक्ता सुनिल थापाले जानकारी दिए ।

अधिवेशनले वरिष्ठ व्यक्तित्वहरूको अनुभवलाई संस्थाको मार्गदर्शनका रूपमा उपयोग गर्ने उद्देश्यले सल्लाहकार मण्डल पनि गठन गरेको छ। सल्लाहकार मण्डलमा धन बहादुर जि.सी, विनय खत्री, सञ्चय खड्का, कमलाथापा र प्रकाश खत्री रहेका छन्।

कार्यक्रमका प्रमुख अतिथि नेपाल एसोसिएसन (एनआरएनए एनसीसी यूएई) का अध्यक्ष भीम मल्ल ठकुरी रहेका थिए। कार्यक्रममा यूएईस्थित विभिन्न नेपाली सामाजिक संघ–संस्थाका अध्यक्ष तथा प्रतिनिधिहरू, समाजसेवी, बुद्धिजीवी, पत्रकार, कलाकार तथा इस्माली समुदायका सदस्यहरूको उल्लेखनीय उपस्थिति रहेको थियो।

नवनिर्वाचित अध्यक्ष मानबहादुर कुँवरले समाजलाई सबैको साझा संस्था बनाउँदै सामाजिक एकता, आपसी सद्भाव, सहयोग र सेवामूलक गतिविधिलाई प्राथमिकताका साथ अघि बढाइने प्रतिबद्धता व्यक्त गरे। उनले यूएईमा रहेका इस्माली समुदायका हरेक सदस्यलाई संस्थासँग जोड्दै समुदायको हितमा प्रभावकारी कार्यक्रम सञ्चालन गरिने बताए।