विद्यार्थीहरूले भविष्यको नेतृत्वका बारेमा जिज्ञासा राखेका थिए। “पढेको मान्छे मात्र नेता बन्न सक्छ कि नपढेको पनि?” भन्ने प्रश्नको जवाफ दिँदै मरासिनीले भनिन, “नेता हुनका लागि ठुलो डिग्रीभन्दा पनि ठुलो चारित्रिक शुद्धता र इमानदारी चाहिन्छ। तर, कानुन बुझेको र विधिको शासनलाई सम्मान गर्ने नेताले मात्र देशलाई सही बाटोमा लैजान सक्छ।”

​कार्यक्रमको विशेषताबारे जानकारी दिँदै प्रबन्ध निर्देशक रामराज पोख्रेलले भने, “आजको कार्यक्रममा हामी शिक्षकहरू बोलेनौँ, केवल विद्यार्थीहरूले नै यसको संयोजन, सञ्चालन र संवाद गरे, जुन उनीहरूको आत्मविश्वासको ठुलो प्रमाण हो।”

​विपिना पाण्डेको सभाध्यक्षतामा सम्पन्न कार्यक्रममा विद्यालय व्यवस्थापन समितिका अध्यक्ष गोविन्द मरासिनी, अभिभावक संघ रूपन्देहीका अध्यक्ष लोकनाथ ज्ञवाली, विद्यालय संयोजक माया पौडेल र प्रि-प्राइमरी संयोजक मन्जु पराजुलीको उपस्थिति थियो। सूर्यान्स न्यौपानेको समन्वय र स्मृद्ध खनालको सञ्चालनमा सम्पन्न कार्यक्रममा अन्स बगाले मगरले धन्यवाद ज्ञापन गरेका थिए।