बुटवल । जेनजी आन्दोलनका कारण सुस्ताएको रुपन्देहीमा चहलपहल सुरु भएको छ । जिल्लामा निषेधाज्ञा, कफ्र्यु हटाइएपछि आईतबार देखि रुपन्देहीमा चहलपहल सुरु भएको छ । प्रमुख जिल्ला अधिकारी डा. टोकराज पाण्डेले जिल्लामा अहिले शान्ती सुरक्षा कायम भइसकेको र कुनै पनि निषेधाज्ञा नरहेको बताए ।
मुख्य बजार मात्र होईन, भित्रि गाउँका बजारहरुमा पनि चहल पहल बढेको छ । सार्वजनिक सवारीका साधन निर्वाध चलिरहेका छन् ।
स्कुल, व्यापारिक प्रतिष्ठानहरु, सरकारी कार्यालयमा पनि नियमित खुल्ला भइरहेका छन् ।
जेनजीको आन्दोलनका क्रममा क्षति भएका सरकारी भवनहरु कतिपय सूचारु हुने क्रममा छन भने कतिपय सूचारु भइसकेका छन् । भन्सार कार्यालय सुरु भएको छ । यातायात व्यवस्था कार्यालय (सवारी) सहितका धेरै सरकारी कार्यालयमा काम सुरु भएको छ ।
जिल्ला अदालतबाट पनि काम सुरु भइसकेको छ ।
