आन्तरिक प्रारम्भिक चुनावका मतदाताहरू रुपन्देही– ३ को प्रतिनिधिसभा क्षेत्रीय कार्यसमितिका पदाधिकारी तथा सदस्यहरू, रुपन्देही– ३ अन्तर्गतका प्रदेशसभाका कार्यसमितिका पदाधिकारी तथा सदस्यहरू रहनेछन् । त्यसैगरी, रुपन्देही– ३ अन्तर्गतका सबै उपमहानगर, नगर, गाउँपालिका र वडा कार्यसमितिका पदाधिकारी तथा सदस्यहरू, रुपन्देही– ३ बाट प्रतिनिधित्व गर्ने प्रदेश कार्यसमितिका पदाधिकारी तथा सदस्यहरूले पनि मतदान गर्नेछन् । त्यसैगरी, रुपन्देही– ३ बाट प्रतिनिधित्व गर्ने जिल्ला कार्यसमितिका पदाधिकारी तथा सदस्यहरू, रुपन्देही– ३ बाट प्रतिनिधित्व गर्ने केन्द्रीय सदस्य तथा पदाधिकारीहरू र १७भदौसम्म कायम रहेका रुपन्देही– ३ भित्रका केन्द्रदेखि जिल्ला तहसम्मका भातृ संगठनका पदाधिकारी तथा सदस्यहरूले पनि मतदान गर्नेछन् । त्यसैगरी, १७ भदौसम्ममा सक्रिय सदस्य भइसकेका रुपन्देही– ३ अन्तर्गतका सक्रिय सदस्यहरू पनि आकांक्षीहरूलाई मतदनन गर्नेछन् । ती मतदाताबाट छनोट भएकोले उम्मेदवार हुनेछन् ।

यसअघि राष्ट्रिय स्वतन्त्र पार्टी (रास्वपा)ले पनि आन्तरिक प्रारम्भिक चुनावबाट रुपन्देही– ३ का लागि उम्मेदवार चयन गरेको थियो ।

उम्मेदवारीका लागि राप्रपाका चार जना आकांक्षी रहेका छन् । गौरव बोहरा, प्रज्वल बोहरा, स्वाती थापा र वसन्त विक्रम शाही उम्मेदवारका आकांक्षी रहेका छन् । राप्रपाका नेता दीपक बोहराका निधनपछि उक्त क्षेत्र रिक्त रहेको हो । उपचुनावमा दीपक बोहराका छोराहरू गौरव र प्रज्वलले दाबी गरेका छन् भने नातिनी स्वाती थापाले पनि अन्तिमसम्म दाबी गरेका छन् । परिवारकै तीन जनाले दाबी गरेपछि राप्रपाले उम्मेदवार टुं गो लगाउन सकेको थिएन ।