राष्ट्रिय स्वतन्त्र पार्टी (रास्वपा) ले रुपन्देही ३ मा डा. लेखजंग थापालाई उम्मेदवार बनाउने भएको छ । रास्वपाले आइतबार साँझ पत्रकार सम्मेलन आयोजना गर्दै कार्यवहाक सभापति डीपी अर्यालले प्राइमरीबाट डा. थापा छानिएको बताए ।
रास्वपाले प्राइमरीबाट डा. थापा उम्मेदवार छनोट गरेको हो । जसमा निर्वाचन क्षेत्रका स्थानीय तह, जिल्ला र केन्द्रका नेताहरुले मत हालेका थिए । प्राइमरीमा जनामा ९ जना सहभागी भएका थिए ।
उपनिर्वाचनका लागि थापासहित पार्थिवेन्द्र उपाध्याय, ज्ञानु पौडेल, जितबहादुर गुप्ता, मधुप्रसाद अर्याल, पुनमकुमारी अग्रवाल, सुलभ खरेल, कुसुम महर्जन र रचना क्षेत्री आकांक्षी थिए ।
कार्यवहाक अध्यक्ष अर्यालले दक्षिण एशियामै पहिलो पटक अभ्यास भएको दावी गरे । राप्रपाका दीपक बोहोराको निधन भएपछि रिक्त भएको रुपन्देही ३ मा आगामी कातिक १७ गते उपनिर्वाचन हुँदैछ ।
