बुटवल । मिरा कोषका संस्थापक अध्यक्ष एवं बुटवल पब्लिक स्कुलका प्राचार्य हेमलाल शर्माले आफ्नो जन्मदिनमा गौशालामा रहेका गाईलाई दाना खुवाएका छन् ।
जन्मदिनको अवसरमा तिलोत्तमा १,८ शान्तीनगरमा रहेको तिलोत्तमा गौशालामा पुगेर उनले गौमाताहरुलाई दाना खुवाएर जन्मदिन मनाएका हुन ।
समाजसेवीको छवि समेत बनाएका शर्माले हरेक बर्ष जन्मदिनमा नयाँ कार्य गर्दै आएका छन् । अध्यक्ष शर्माले विगतका बर्षमा जस्तै यस बर्ष पनि बेअर्थी रकम खर्च नगरेर गौमातालाई दाना खुवाएर जन्मदिन मनाएको बताए ।
अहिले धेरैजना जन्मदिनको अवसरमा खानपानमा रकम खर्च गर्ने परिपार्टी बढेको भन्दै त्यसरी खर्च हुने रकमलाई सेवाभावमा लगाउन उनले सवैलाई सुझाव समेत दिए ।
