यो अवधिमा केवलकारको सिष्टम अपग्रेटसंगै पहुँचमार्गमा विद्युतीयकरण, बटम स्टेशमा रहेको सिद्धार्थ गार्डेनमा उडेन परगोला तथा लाईटिङ सिष्टम जडान, रेष्टुरेन्ट भवन निर्माण तथा टप स्टेशनमा रहेको सिद्धार्थ स्ट्याचुको क्षेत्र विस्तार, शौचालय निर्माण लगायतका काम गरिएको छ । त्यसमध्ये रेष्टुरेन्ट भवन तथा सिद्धार्थ स्ट्याचु, शौचालय निर्माणाधिन अवस्थामै रहेको कम्पनीका प्रवन्धक नरबहादुर कार्कीले जानकारी दिए ।

बटम स्टेशन देखि टप स्टेशसम्म २ किलोमिटर दुरी रहेको सिद्धार्थ केवलकारमा ८ जना क्षेमताका २५ वटा गोण्डुला रहेका छन् । जसमा बटम स्टेशन, टप स्टेशन तथा पोलहरुमा यस अंगाडी चेन हलेज सिष्टम थियो । त्यसलाई अहिले टायर हलेज सिष्टममा बदलिएको छ ।

प्रवन्धक कार्कीका अनुसार यसले केवलकारको गति बढाउँछ भने यात्राको समय घटाउँछ । त्यस्तै पोलहरुमा खडखडाउने आवाज पनि बन्द भएको उनकाे भनाइ छ ।

त्यस्तै पहुँचमागमा दुबैतर्फ विद्युतीयकरण गरिएको छ । केही दिनमा लाईटिङ पनि जठान गरिने र त्यसले केवकारको यात्रालाई झनै आकर्षक बनाउने छ । त्यस्तै सिद्धार्थ गार्डेनमा उडेन परगोला तथा लाईटिङको काम पनि भईरहेको छ । त्यसबाहेक अरु धेरै पूर्वाधार निर्माणको काम बाँकी नै रहेको प्रवन्ध सञ्चालक प्रभुलाल अधिकारीले बताए। सिद्धार्थ केवलकार लिमिटेडको योजना अनुसारका पूर्वाधार निर्माण भईसक्दा यस क्षेत्रको पर्यटकन विकासले एउटा उचाई लिने उनको विश्वास छ ।

सिद्धार्थ केवलकारको बटम स्टेशन बुटवल उपमहानगरपालिका वडा नं. १ मा रहेको छ भने टप स्टेशन पाल्पाको तिनाउँ गाउँपालिका वडा नं. १ स्थित नवाकोट गढीमा रहेको छ । सेनबंसीय परापूर्वकालदेखि नै पुरातात्विक तथा सामरिक महत्व बोकेको नुवाकोट गढी राष्ट्रिय गौरव बोकेको सम्पदा हो । नेपाल अंग्रेज यूद्धसंग जोडिएकाले यसले धेरै महत्व बोकेको छ । केवलकारको बटम स्टेशन समुद्रि सतहबाट ३ सय मिटर र टप स्टेशन समुद्रि सतहबाट ८ सय मिटरको उचाईमा रहेको छ । यहाँ शान्त, सितल, हरियाली र मनमोहक दृश्यले पर्यटकलाई बोलाईरहेका त्यसको मध्येस्थकर्ताको रुपमा सिद्धार्थ केवलकार खडा भएको प्रवन्ध सञ्चालक अधिकारी बताउँछन ।

त्यस्तैगरी यो स्थानलाई सिद्धार्थ गौतमबुद्धसंग पनि जोडेर हेर्ने गरिएको छ । करिव २५६७ वर्ष अंघि कपिलबस्तुका राजा शुद्धोदनकी रानी मायाँदेवी आफ्नो दरवार तिलौराकोटबाट बैशाख पूर्णिमाका दिन माईत देवदह जाने क्रममा लुम्बिनी उद्यानमा मंगलसालको छहारीमा सिद्धार्थ गौतमको जन्म भएको थियो । सिद्धार्थ गौतमको जन्मपश्चात उत्तरतर्फ ७ पाईला किंवदन्तीका आधारमा सिद्धार्थ गौतमकाके ७ पाईलाको प्रतिकको रुपमा बटम स्टेशमा ६ वटा र टप स्टेशनमा एउटा गरी ७ वटा कमलको फूल निर्माण गरिएको उनले बताए ।

सिद्धार्थ गौतमबुद्धले बाल्यकालको शिक्षा पनि यसै स्थानमा आर्जन गरेको र लुम्बिनीसंग घनिभूत सम्वन्ध भएकाले यो भूमिमा निर्माण गरिएको केवलकारको नामाकरण पनि सिद्धार्थ गौतम बुद्धकै नामबाट राखिएको उनले बताए ।

त्यसैगरी बटम स्टेशन नुवाकोटमा सेन कालमा निर्मित आराध्यदेव काल भैरवको मन्दिरमा भाकल गरेको मंगलकार्यबाट सिद्धि प्राप्त हुने जनविश्वास रहिआएको छ । यहाँ भैरव मन्दिर सहित सेनकालिन चतुर्भुज विष्णु मूर्ति, कोत घर, लगायतका धार्मिक स्थलहरु समेत रहेकाले यहाँ धार्मिक पर्यटनको प्रचुर सम्भावना देखिएको छ ।