नेशनल प्याब्सनले आफ्ना सदस्य विद्यालयहरुका संचालन तथा प्रिन्सिपलहरुका माध्यमबाट विद्यालयको शैक्षिक गुणस्तरीयता वृद्धिकालागि बुटवलमा एक दिने कार्यक्रम गरेको हो । कार्यक्रममा पाठ्यक्रमलाई आधार बनाएर विद्यार्थी, शिक्षक र अभिभावकहरुको समन्वयमा गुणस्तरीय शिक्षासँगै शैक्षिक विकास योजना र शैक्षिक जुत्तीका विषयमा छलफल गरिएको नेशनल प्याब्सनका सचिव विनोद थापा मगरले जानकारी दिए ।

नेशनल प्याब्सन रुपन्देहीका अध्यक्ष तिलव केसीको अध्यक्षतामा भएको कार्यक्रममा नेशनल प्याब्सनका केन्द्रीय उपमहासचिव कृष्णप्रसाद पौडेलले शिक्षण सिकाई, तालिम तथा गोष्ठिले शिक्षक कर्मचारीको क्षमता विकासमा महत्वपुर्ण भुमिका खेल्ने भएकाले समयसमयमा शैक्षिक सिकाई विकासका कार्यक्रम गर्नु आवश्यक रहने बताए ।

कार्यक्रममा नेशनल प्याब्सनका केन्द्रीय सदस्य जेबी क्षेत्री, उपाध्यक्ष राजेन्द्र पराजुलीलगायतले तालिम र गोष्ठिमा सिकेका कुरालाई ब्यवहारमा उत्तार्नु पर्ने बताए ।

कार्यक्रममा जीवन चेतना विकास फाउण्डेशनका कार्यकारी प्रमुख कमल सिलवाल र डिजिटल स्कुल लुम्विनीका संयोजक लेखनाथ पन्थले सहजिकरण गर्नु भएको खुशी जीवन उपयोगि शिक्षा कार्यक्रममा अभिभावक, शिक्षक र विद्यार्थीबीचको समन्वयले मात्र शैक्षिक गुणस्तरवृद्धिमा महत्वपुर्ण भुमिका खेल्ने बताए । कार्यक्रममा नेशनल प्याब्सन रुपन्देहीसँग आवद्ध संस्थागत विद्यालयका संचालक तथा प्रिन्सिपलहरुको सहभागिता रहेको थियो ।