गएको शुक्रबार रमिघा लेकमा खाल्डा खन्ने क्रममा पोसपाखा सामुदायिक वनको क्षेत्रमा यार्सागुम्बाजस्तै देखिने वस्तु फेला परेका थिए ।

ती वस्तुको प्रयोगशाला परीक्षणको कार्य जारी रहेको हुँदा अर्को सूचना नभएसम्मका लागि जंगल क्षेत्रमा प्रवेश नगर्न, नगराउन सार्वजनिक रूपमा अनुरोध गरिएको अध्यक्ष भण्डारीको भनाइ छ ।

डिभिजन वन कार्यालयले कर्मचारी खटाएर संकलन गरी तथ्य जाँचका लागि राष्ट्रिय विधि विज्ञान प्रयोगशाला खुमलटार, ललितपुर पठाएको कार्यालय प्रमुख नारायणदेव भट्टराईले जानकारी दिए ।

रम्भा गाउँपालिकाका कर्मचारीलाई पत्र र नमूना दिएर ललितपुर पठाइसकेको उनले बताए । रिमिघा लेक १ हजार ८ सय मिटरको उचाइमा रहेको छ ।

यार्साको जमिनमुनिको भाग ४ मिलिमिटर मोटो र ४ सेन्टिमिटर जति लामो हुन्छ । माथिको भाग मसिनो ५–६ सेन्टिमिटर जति लामो हुन्छ ।

उचाइ अनुसार नमिले पनि प्रजाति उस्तै र यार्साकै आकार र रङ भएकाले अनुसन्धानका लागि पठाइएको उनले बताए ।