बुटवल । सामाजिक सेवामा विगत ५ बर्ष देखि समर्पित तिलोत्तमा–३ स्थित मिरा कोषले लुम्बिनी प्रादेशिक अस्पताल परिसरमा विरामी र आफन्तलाई मध्यनगर गर्दै खानेपानी र फलफुल वितरण गरेको छ ।
कोषका अध्यक्ष हेमलाल शर्माले सामाजिक उत्तरदायित्व अन्तर्गत खानेपानी र फलफुल वितरण गरिएको बताए । कोषले १ सय कार्टुन खानेपानी र अर्थो वार्डमा रहेका ५२ जना विरामी र विरामीका आफन्तलाई फलफुल, जुस, विस्कुट र पानी वितरण गरेको अध्यक्ष शर्माले बताए ।
उनले आगामी दिनमा कोषले अझ बढि रचनात्मक कार्य गर्दै जाने प्रतिबद्धता समेत जनाए ।
खानेपानी तथा फलफुल वितरण कोषका महासचिव रामचन्द्र पौडेल, लुम्बिनी प्रादेशिक अस्पतालका प्रशासकिय प्रमुख राजन केसी, समाजसेवी हुमनाथ ज्ञवाली, शिवलाल भुसाल, कोषका कोषाध्यक्ष केशव भुसाल, सदस्यहरु एनिका श्रेष्ठ, रितिका तिवारी, आर्जित गिरी लगाएतले खानेपानी र फलफुल वितरण गरेका थिए ।
कोषले समय समयममा आश्रमहरुमा खाद्यान्य वितरण, सरसफाई, विपत्तको समयमा राहत कोषमा रकम प्रदान गर्दै आइरहेको छ ।
समाजमा उदाहरणिय काम गर्दै आएको कोषले आगामी दिनमा स्वास्थ्य सचेतनामुलक कार्यक्रम, सरसफाई, सहयोग वितरणका कार्यक्रम गर्दै जाने अध्यक्ष शर्माले बताए ।
