बुटवलको पुरानो बजार अमरपथमा विगतदेखि नै उज्यालो पर्व तिहार (दीपावली) अंगाडि अमरपथ दीपावली महोत्सव गर्दै आईएको र लक्ष्मीपुजादेखि गोवर्धन पुजासम्म दीपावली महोत्सव गरिने अमरपथ टोल व्यवसायी समितिका अध्यक्ष रामकुमार रणपालले जानकारी गराए ।

अमरपथ दीपावली महोत्सवको संरक्षकमा बुटवल उद्योग वाणिज्य संघ रहेको छ भने बुटवल उपमहानगरपालिकाकाले पनि अभिभावकत्व ग्रहण गरेको छ । तीन दिनसम्म सञ्चालन गरिने दीपावली महोत्सवमा आउने उपभोक्तालाई सामानको खरिदमा १० देखि २० प्रतिशत सम्म छुट सुविधा प्रदान गरिने आयोजक समितिका सल्लाहकार तथा पूर्व अध्यक्ष गकुल विश्वकर्माले बताए ।

उनका अनुसार सुनका गरगहनामा जर्ती तथा ज्यालामा छुट सुविधा प्रदान गरिने छ ।

बुटवल आफैमा नेपालकै मध्ये भागको व्यापारिक थलो र अमरपथ बुटवलकै मुटु भएकाले अमरपथकै प्रचारप्रसार तथा प्रवद्धनका लागि महोत्सवलाई निरन्तरता दिदै आएको समितिका सचिव किरण खनालले बताए ।

यो महोत्सव बिक्रेता र उपभोक्ताका बिचमा सम्बन्ध प्रगाढ बनाउने बिश्वास लिईएको छ । सो महोत्सवमा अमरपथ बजारलाई नै सिंगारेर राख्ने हरेक पसलमा दिपावली दिक्ष्मीको पुजा गर्ने तथा तीनै दिन सांस्कृतिक कार्यक्रम सञ्चालन गरिने समितिका कोषाध्यक्ष देवेन्द्र श्रेष्ठले बताए ।