गएराती गुल्मीमा जिप दुर्घटना हुदा ५ जनाको मृत्यु भएको छ ।
ईलाका प्रहरी कार्यालय रिडिका अनुसार गएराती करिव २ बजे सत्यवती गाउँपालिका -३ ठुलोलुम्पेक बाट कुतडाडा जाँदै गरेको ५३४० नम्बरको डबल क्याप जीप कुढडाँडामा दुर्घटना हुँदा चार जनाको घटना स्थल मै र एक जनाको उपचार गर्न पाल्पा पठाइएकोमा बाटो मै मृत्यु भएको हो ।
त्यहाँका वडाध्यक्ष जित बहादुर तरामुका अनुसार मृत्यु हुने सबै कुतडाडाका हुन । बाटोमा मृत्यु हुने एक जनाको नाम खुलेको छैन । बाटोमा फसेको गाडी निकाल्नका लागि ९ जना सवार थिए । ३ जना घम्भिर घाइतेलाई पाल्पा पठाइएको छ ।
मृत्यु हुनेमा सत्यवती गाउँपालिका-३ का जीप धनी ५१ वर्षका झलक सोमै, ५५ वर्षका टीका राहडी , ४७ वर्षका रनबहादुर सिंजापती , बर्ष २५ का मिलन तरामु रहेका जिल्ला ट्राफिक प्रहरी कार्यालय गुल्मीका प्रमुख सइ कृष्णप्रसाद आचार्यले जानकारी दिएका छ्न । रिडिबाट बिहान चार बजे हिडेको प्रहारी घटनास्थलमा भर्खर पुगेको छ ।
