बुटवल । तिनाउ नदिमा बगरे एक बालकको ज्यान गएको छ भने एक बालक बेपत्ता भएका छन्।
बुटवल उपमहानगरपालिका वडा नं ११ स्थीत श्रृजना नगरमा रहेको आफन्तकोमा भेटन आएका २ बालक नदिमा पौडी खेल्ने क्रममा बगेको बुटवल उपपमहानगरपालिका वडा नं ११ का सदस्य नकुल शाहीले बताए।
आफ्नी आमासंग सानी आमाको घरमा भेट गर्न आएका बरेङ गाउपालिका वडा नं ४ बाग्लुङ घर भई श्रृजना नगर बस्ने १२ बर्षिय बिवस खत्री र सैनामैना नगरपालिका बस्ने ८ बर्षिय बिप्रन पाण्डे तिनाउ नदिमा बगेका हुन्।
ईलाका प्रहरी कार्यालय बुटवलका अनुसार तिनाउ नदिमा पौडी खेल्न गएका ३ जना मध्ये दुई जनालाई नदिले बगाएको देखेपछि संगै गएका अर्का बालकले आफन्तलाई खवर गरेका थिए। तिनाउ नदिमा बगेका दुवै बालक दिदि बहिनीका छोराहरु हुन्।
तिनाउ नदिमा बगेका मध्ये १२ बर्षिय बिवस खत्रीको शव पौडी खेलेको स्थान भन्दा केही तल मृत अवस्थामा नदिमा भेटिएको ईलाका प्रहरी कार्यालय बुटवलका प्रमुख प्रहरी नायव उपरिक्षक बिजयराज पण्डीतले बताए।
पण्डितका अनुसार नदिमा हराई रहेका बिप्रन पाण्डेको खोजी भैई रहेको छ।
