लुम्बिनी प्रदेशका नवनियुक्त मुख्यमन्त्री चेतनारायण आचार्यले आज बुटवलमा पद तथा गोपनीयताको शपथग्रहण गरेपछि दाङस्थित राजधानी राप्ती उपत्यका देउखुरीमा पदभार ग्रहण गरेका छन् ।
बुटवलमा रहेको प्रमुख प्रमुखको कार्यालयमा बिहान प्रदेश प्रमुख अमिक शेरचनबाट शपथ गरेपछि करिब ३ घण्टाको गाडी यात्रापछि देउखुरीमा रहेको मुख्यमन्त्री तथा मन्त्रिपरिषद्को कार्यालय दिउँसो पदभार ग्रहण गरेका हुन् ।
प्रदेश राजधानी देउखुरीमा भएपनि प्रदेश प्रमुखको कार्यालय अझै बुटवलमै रहेको छ । अर्घाखाँची क्षेत्र १ (१) का आचार्य यसअघि तीन पटक मन्त्री भएर काम गरेको अनुभव छ । एमाले संसदीय दल उपनेता आचार्य कानुनमा स्नातक उतीर्ण छ । एमालेभित्र पुसमा संसदीय दलको नेता चयन गर्ने बेला दलका नेता लिला गिरी पहिलो चरणमा मुख्यमन्त्री हुने र उपनेता आचार्य दोस्रो चरणमा मुख्यमन्त्री हुने भद्र सहमति अनुसार आचार्य कांग्रेस–एमालेको गठनबन्धनबाट आचार्य मुख्यमन्त्री भएका हुन् ।
मुख्यमन्त्री आचार्यसहित एमाले र कांग्रेसका चार/चार जना मन्त्रीले पद तथा गोपनीयताको शपथग्रहण गरेका छन् । विनाविभागीय आठ जना मन्त्रीलाई छिट्टै मन्त्रालयको जिम्मेवारी तोकिने उनले बताए ।
