नेपालगन्ज-कोहलपुर सडकखण्डमा पर्ने गनापुर नजिकै बसको ठक्करबाट एक महिलाको मृत्यु भएको छ ।
लु २ ख ४६ नम्बरको बसले ठक्कर दिँदा कोठारपुरकी कलावती भाटको मृत्यु भएको हो । उक्त बसका चालक कृष्ण थापाले ब्याक गरेर मारेको र प्रहरीले चालकलाई फरार गराएको प्रत्यक्षदर्शीको भनाइ रहेको छ । ‘अगाडिबाट ठोक्यो । अनि ब्याक गरेर चक्कामा हालिदियो, अनि चक्काबाट निकालेर बाहिर फाल्यो लास, प्रत्यक्षदर्शी रामसागर भाटले भन्नुभयो, ‘अनि ड्राइभरलाई पुलिसलाई भगाइदियो ।’
स्थानीयले सडक एकतर्फी अवरुद्ध गरेका छन् । यति बेला घटना स्थलमा तनावग्रस्त छ भने स्थानीयले प्रहरीमाथि कारबाहीको माग गर्दै विरोध गरिरहेका छन् ।
