त्यस्तै प्रतियोगितामा नयांगाउं माविका प्रवेश घले द्धितिय हुन सफल भए । उनले निर्धारित दुरी ४२ दशमलव २८ सेकेण्डमा पूरा गरेका थिए । द्धितिय बनेका घलेले ५ हजार र मेडल प्राप्त गरे ।

प्रतियोगितामा १६ जना विद्यार्थीहरुको सहभागिता रहेको थियो । विजयी विद्यार्थीहरुलाई विद्यालयका प्राचार्य शिवहरी भट्टराई, विद्यालयका अध्यक्ष एवं बुटवल–११ का वडा सदस्य नहकुल शाही ठकुरीले पुरस्कार वितरण गरेका थिए ।

सो अवसरमा बोल्दै प्रमुख अतिथि ठकुरीले पौडी प्रतियोगिताले विद्यार्थीको अन्तरनिहित प्रतिभालाई बाहिर ल्याउन मद्दत मिलेको बताए । पौडी प्रतियोगितामा सवैभन्दा बढि कसरत हुने भएकाले यसलाई निरन्तरता दिन सके विद्यार्थीहरुको शारीरिक र मानसिक स्वास्थ्य स्वच्छ हुने बताए ।
विद्यालयका प्राचार्य भट्टराईले विद्यालयले बार्षिक कार्य योजना अनुसार प्रतियोगिताको आयोजना गरेको बताए । प्रतियोगिताले छिमेकी विद्यालयहरु प्रति भाईचार र सद्भाव कायम हुनुका साथै विद्यार्थीको क्षमता बाहिर ल्याउन मद्दत मिलेको बताए । उनले आगामी बर्ष अझै व्यवस्थित रुपमा प्रतियोगितालाई अगाडि बढाउने बताए ।