कामना सेवा विकास बैंकले रुपन्देहीको बुटवलस्थित थाइरो ल्याब बुटवल प्रालिसँग सेवा शुल्कमा छुट दिनेसम्बन्धी सम्झौता गरेको छ । उक्त सम्झौतासँगै अब सो बैंकका कर्मचारी तथा ग्राहकहरूले उक्त ल्याबले प्रदान गर्ने विभिन्न सेवा तथा सुविधामा २० प्रतिशत छुट पाउने भएका छन् ।
स्वास्थ्य सेवाको पहुँच सर्वसाधारण व्यक्तिहरूसम्म पुर्याउने उद्देश्यले स्थापित उक्त थाइरो ल्याबमा कामना सेवा विकास बैंकका कर्मचारी तथा ग्राहकहरूले आफ्नो बैंकसँगको आबद्धताको प्रमाणका आधारमा यो सुविधा सहजै प्राप्त गर्न सकिने बैंकले जनाएको छ । यस सम्झौताबाट बैंकसँग आबद्ध सम्पूर्ण महानुभावहरूले विशेष लाभ लिने बैंकले विश्वास लिएको छ ।
हाल बैंकले आफ्ना १३५ सञ्जालहरू तथा ७७ एटीएम तथा विभिन्न शाखारहित सेवा केन्द्रमार्फत आफ्नो अत्याधुनिक सेवा सुविधाहरू प्रदान गरिरहेको छ ।
