पाण्डे नेपाल पत्रकार महासंघ रुपन्देहीका पूर्व उपाध्यक्ष समेत हुन् । उनी लुम्बिनी टेलिभिजन, समयचक्र डटकममा आबद्ध छन् । पुरस्कारको राशी रु. २५ हजारको रहेको छ ।

सो अवसरमा बोल्दै नगरप्रमुख खाँले वातावरणको क्षेत्रमा आगामी दिनमा पनि कलम चलाउन आग्रह गरे । उनले वातावरण संरक्षणका लागि वृक्षारोपण आवश्यक रहेकोमा जोड दिए । उनले भने, ‘सबैले आफ्नो घरमा विरुवा रोपौं, रुख-विरुवाले वातावरण संरक्षण हुन्छ ।’

सिद्धार्थनगर नगरपालिकाका वरिष्ठ अधिकृत यादव प्रसाद सापकोटाको सञ्चालनमा भएको कार्यक्रममा वातावरण उत्कृष्ट लेखन पत्रकारिता पुरस्कार तथा वातावरण बचाउ आन्दोलन रुपन्देहीका संरक्षक एवं संस्थापक अध्यक्ष नारायण प्रसाद सापकोटा, पुरस्कृत पत्रकार पाण्डेलगायतले भनाइ राखेका थिए । पुरस्कार मूल्यांकन समितिको संयोजक भरत कुमार पोखरेल थिए ।