अध्यक्ष पदमा दुई जना विच प्रतिस्पर्धा थियो ।

अध्यक्ष पदमा निर्वाचित मरासिनीले ८४ मत प्राप्त गरे भने अर्का प्रत्यासी शर्मलाल पन्थीले ४० मत प्राप्त गरेकाे निर्वाचन समिति संयोजक वरिष्ठ अधिवक्ता शालिकराम वञ्जाडेले जानकारी दिए ।

उच्च अदालत बार एशोसियशन बुटवलको नेतृत्वको लागि दुई समुह प्रतिस्पर्धामा थियो ।

१३ सदस्यीय कार्यसमितिमा सचिव बाहेक अरु सबै पदमा मरासिनीले नेतृत्व गरेको टिमका उम्मेदवार विजयी भएका हुन् । उपाध्यक्ष पदमा ७६ मत सहित हिमलाल न्यौपाने विजयी भएका छन्। सचिव पदमा भने पन्थ समुहका नागेन्द्रप्रसाद यादव १ मतले विजयी भए ।

यादवले ६२ मत प्राप्त गर्दा मरासिनी समुहका लोकप्रसाद खरेलले ६१ मत प्राप्त गरे । सचिव बाहेक अरु सबै पदमा मरासिनी समुहका उम्मेद्वार विजयी भएका हुन् ।

कोषाध्यक्ष पदमा ८३ मत सहित निरन्जना पौडेल, सहिसचिव पदमा ७६ मत सहित कुसुम अर्याल निर्वाचित भएका छन । त्यस्तै सदस्य पदमा रविराज आचार्य, राजन नेपाल, शालिकराम तिवारी, चतुर्भुज पन्थ, यमुना गुरुङ, बाबुराम न्यौपाने, कृष्णप्रसाद बस्याल र कमलराज बस्याल निर्वाचित भएका छन् ।

केन्द्रीय पार्षद पदमा पनि मरासिनी समुहकै उम्मेद्वार विजयी भएका छन् । केन्द्रीय पार्षदमा शारदाकुमारी पौडेल नेपाल, दीपक कार्की, प्रकाशकुमार नेपाल, प्रदिप शेरचन, शान्ता पौडेल, हेमा न्यौपाने र कमलप्रसाद भट्टराई निर्वाचित भएका छन् ।