बुटवल । भोली हुने निर्वाचनको तयारी पुरा भएको छ । मतदान स्थलहरु तयार भएका छन भने सुरक्षाकर्मी बुथ बुथमा पुगेका छन् । गत आईतबार देखि निर्वाचनका सामाग्री लिएर मतदान स्थलमा पुगेका कर्मचारीहरुले विहान ७ बजे देखि हुने मतदानका लागि तयारी पुरा गरेका हुन । कतिपय मतदान केन्द्रलाई अपाङगमैत्री तथा लैङगिक मैत्री पनि बनाइएको छ ।
५ वटा निर्वाचन क्षेत्र रहेको रुपन्देहीमा पनि तयारी पुरा भएको जिल्ला निर्वाचन कार्यालय रुपन्देहीले जनाएको छ ।
भोली हुने प्रतिनिधि तथा प्रदेशसभा निर्वाचनमा रुपन्देहीबाट करिब साढे ६ लाख जना मतदानमा सहभागी हुने छन । जिल्ला निर्वाचन कार्यालयका जिल्लाका ६ लाख ३८ हजार ९ सय ५२ जना सहभागी हुनेछन । कार्यालयका अनुसार जिल्लाभर २ सय ८ मतदान स्थल रहेका छन ।
ती मतदान स्थलमा ७ सय २ मतदान केन्द्र रहेका छन । जिल्लामा ५ वटा अस्थायी मतदान केन्द्र रहेका छन ।
कार्यालयका अनुसार रुपन्देही क्षत्रेत्र नम्बर १ मा १ लाख ३९ हजार ५ सय ६० मतदाता छन । यस्तै, क्षेत्र नम्बर २ मा कुल १ लाख २६ हजार ८ सय ७ मतदाता रहेका छन । रुपन्देही–३ मा कुल १ लाख ३२ हजार ७ सय ९१, क्षेत्र नम्बर ४ मा कुल १ लाख १० हजार ६ सय र क्षेत्र नम्बर ५ मा कुल १ लाख २९ हजार १ सय ३५ मतदाता रहेका छन ।
यता रूपन्देही जिल्लाको बुटवल उपमहानगरपालिका वडा नम्बर–८ स्थित पश्चिमाञ्चल सडक डिभिजन कार्यालयमा रूपन्देही क्षेत्र नम्बर–२ का प्रतिस्पर्धी उम्मेदवार विष्णु पौडेल र केशव थापाले मतदान गर्नेछन ।
यो मतदान केन्द्रमा ५ हजार ६०० मतदाता रहेका छन । ज्ञवालीले भने, ‘उहाँहरु कतिबेला मतदान गर्न आउनुहुन्छ अझै टुंगो लागेको छैन । मतदानको सम्पूर्ण तयारी पूरा भएको छ ।’
