बुटवल । बुटवल–८ स्थित अक्सफोर्ड माध्यमिक विद्यालयमा शुक्रबार खाना महोत्सव तथा उद्यमशिलता कार्यक्रम सम्पन्न भएको छ । विद्यार्थीहरुलाई अतिरिक्त ज्ञान प्रदान गर्ने उद्देश्यले कक्षा ६ र ७ का विद्यार्थीहरुको सहभागितामा खाना महोत्सव तथा उद्यमशिलता कार्यक्रम गरिएको हो ।
उद्यमशिलतामा कक्षा ६ का विद्यार्थीहरु सहभागि थिए भने खाना महोत्सवमा कक्षा ७ का विद्यार्थीहरु सहभागि थिए । विद्यालयका प्राचार्य दिनेश भुसालले विद्यार्थीहरुलाई कसरी उद्यमशिलता बनाउने र बजार कसरी बुज्न सकिन्छ भन्ने सिकाईका लागि उद्यमशिलता कार्यक्रम गरिएको बताए ।
उक्त कार्यक्रमबाट विद्यार्थीहरुले बजारको मार्केटिङ, बस्तुको खरिद विक्रि ज्ञान, उपभोत्ता एवं ग्राहक संगको मितव्ययिता, सामानहरुको गुणस्तरता बारे ज्ञान प्राप्त गरेको बताए । त्यस्तै खाना महोत्सव कार्यक्रमबाट परिकार बनाउने सिप र मार्केटिङ कसरी गर्ने भन्ने ज्ञान विद्यार्थीहरुले प्राप्त गरेको प्राचार्य भुसालले बताए ।
कार्यक्रममा ४ सय विद्यार्थीहरुले संयुक्त रुपमा स्टल राखेका थिए । विद्यार्थीहरुले तयार गरेका खाना तथा विक्रिका लागि राखिएका बस्तुहरु शिक्षक, अभिभावक एवं विद्यार्थीहरुलाई विक्रि गरेका थिए ।
प्राचार्य भुसालका अनुसार हरेक पाठ्यक्रममा भएका विषयबस्तुलाई प्रयोगात्मक सिकाई गर्न सके मात्र उक्त शिक्षा मुर्त हुने बताए ।
‘पाठ्यक्रमका विषयबस्तुलाई व्यवहारत देखाउने प्रयास रहेनछ । आउँदो शैक्षिकसत्रबाट अभिभावकलाई सिधा स्कुलमा जोड्ने नयाँ कार्यक्रम ल्याउँदैछौ’ उनले भने ।
उनले विद्यालयका अभिभावक विभिन्न क्षेत्रमा आवद्ध भएको भन्दै अभिभावकको क्षमता र आबद्धताको बौद्धिकता विद्यार्थीहरुलाई साट्ने कार्यक्रम ल्याउन लागेको बताए । यसले विद्यालय र अभिभावकको अपनत्वलाई अझ बढि कायम राख्ने उनको भनाई छ ।
