सो अवसरमा बोल्दै उनले बालबालिकाको अन्तरनिहित प्रतिभा उजागर गर्न यस्तै सांस्कृतिक कार्यक्रमको ठुलो भुमिका रहने बताईन । विद्यार्थीहरुलाई कितावी ज्ञान भन्दा पनि ठुलो ज्ञान यस्ता अतिरिक्त क्रियाकलापबाट हुने भन्दै संस्कार सहितको शिक्षामा अक्सफोर्डले जोड दिएको उनले प्रसंसा गरिन ।

कर्यक्रममा बोल्दै विद्यालयका प्राचार्य दिनेश भुसालले विद्यार्थीहरुको सफलता उनीहरुको अंकमा मात्र मापन गर्न नसकिने भन्दै विद्यालय संस्कार सहितको शिक्षालाई अंगिकार गरेको बताए । उनले राजधानी र केही अन्तर्राष्ट्रिय स्कुल संगको सहकार्यमा विद्यार्थीलाई बढि भन्दा बढि उपयोगी शिक्षा प्रदान गर्न विद्यालयले लागेको भन्दै अभिभावक यसका लागि साथ दिनुपर्ने बताए ।

विद्यालयको एक्लो प्रयासले मात्र विद्यँर्थीहरुको संवार्ण विकासमा परिर्वतन ल्याउन नसकिने भन्दै अभिभावकहरुले आफ्ना सन्तानलाई कम तर गुणस्तरिय समय दिनुपर्ने बताए ।

पछिल्लो समय बालबालिका बढि प्रविधि संग घुलमिल भइरहेको र त्यसबाट केही नकरात्मक प्रभाव पनि परेको भन्दै अभिभावकले यसमा सहजीकरण गर्नुपर्ने बताए । कार्यक्रममा कक्षा १ र २ का विद्यार्थीहरुलाई पुरस्कार वितरण गरिएको थियो । त्यस्तै विभिन्न सांस्कृतिक, भेषभुसा, रहनसहन सम्बन्धी नृत्य, सचेतनामुलक नाटक समेत कार्यक्रममा प्रस्तुत गरिएको थियो ।

कार्यक्रमको दोस्रो दिन मंगलबार कक्षा २ देखि १० सम्मका विद्यार्थीहरुको सांस्कृतिक कार्यक्रम संगै पुरस्कार वितरण हुने बताइएको छ ।