बुटवल । मदिना मदरसा मस्जित प्रबन्ध परिषद बुटवल–५ ले इस्लाम धर्म गुरु पैगम्बर मोहम्मद मुस्तफा स्वल्लल्लाहो अलैहे वसल्भको १४९८ औं शुभ जन्मदिवको अवसरमा विभिन्न कार्यक्रम गरेको छ ।
परिषदले रक्तदान, सिद्धार्थ बाल तथा महिला अस्पताल (आम्दामा) आवश्यक जिन्सी सामान वितरण, बुटवल १ स्थित सरस्वती आधारभूत विद्यालयमा अध्ययनरत ५ जना विद्यार्थीलाई छात्रवृत्ति वितरण र मस्जितमा धार्मिक प्रवचन गरेको हो । परिषदले हरेक वर्ष पैगम्बरको जन्मदिनको अवसर पारेर विभिन्न कार्यक्रम गर्दै आइरहेको छ ।
मस्जितमा आयोजित रक्तदान कार्यक्रममा बोल्दै मदिना मदरसा मस्जित प्रबन्ध परिषदका अध्यक्ष साकुर मियाले आगामी आउदो दिनमा एम्बुलेन्स र स्वास्थ्य सेवा सञ्चालन गर्ने आफ्नो सोच रहेको बताए । अध्यक्ष मियाले सामाजिक क्षेत्रमा परिष्द आउदा दिनमा पनि काम गर्दै जाने बताए ।
सो अवसरमा बुटवल वडा नम्बर ५ का वडा अध्यक्ष हरिप्रसाद श्रेष्ठले पैगम्बरको समाजसेवामा विचारलाई सबैले अनुशरण गर्न आवश्यक रहेको बताए । मानव समाजका विकृतिहरुलाई चिरेर समाजलाई सभ्य बनाउन सबैले काम गर्न आवश्यक रहेकोमा जोड दिए ।
कार्यक्रममा नेपाल स्वमसेवी रक्तदाता समाज रुपन्देहीका अध्यक्ष कृष्ण चौहान क्षेत्रीले मुस्लिम समुदायलाई रक्तदान गर्ने चेतनाको विकास गर्न आवश्यक रहेको बताए ।
अध्यक्ष चौहानले मधेशी र मुस्लिम समुदायमा अझै पनि रक्तदान गर्न डराउने गरेको बताउँदै रक्तदान नै सबैभन्दा ठूलो सामाजिक कार्य रहेको बताए । रक्तदानमा ५० पोइन्ट भन्दा बढी रगत संकलन भएको परिषदका सचिव सबर मियाले बताए ।
परिषदका संरक्षक जमाल मियाले सामाजिक कार्यलाई निरन्तरा दिन आग्रह गरे । मदिना मदरसा मस्जित प्रबन्ध परिषदका अध्यक्ष साकुर मियाको अध्यक्षता, परिषदका वरिष्ठ उपाध्यक्ष जलिउल्लाह मियाको स्वागत तथा सचिव सवर मियाको सञ्चालनमा कार्यक्रम सम्पन्न भएको थियो ।
