समितिको उपाध्यक्षमा देवबहादुर नेपाली, याम बहादुर नेपाली, महिला उपाध्यक्षमा आशा सार्की, सचिवमा वेदराज नेपाली, सह–सचिवमा सुरेन्द्र नेपाली, भरत नेपाली र लक्ष्मी नेपाली र कोषाध्यक्षमा रिना नेपाली चयन भएका छन् ।

सम्मेलनलाई सम्बोधन गर्दै मिजार समाज नेपाल राष्ट्रिय सम्मेलन आयोजक समितिका संयोजक होम बहादुर नेपालीले सक्रियताले एकतातर्फ र निस्क्रियताले पलायनतर्फ लैजाने भन्दै राजनीतिक र सामाजिक क्षेत्रका सिण्डीकेट तोड्न एक हुनुपर्ने बताए ।

सोझोपन र इमान्दारिताको फाईदा उठाउँदै कथित ठुला जातिले सार्की जातिमाथि शासन गरिरहेकोले यसका विरुद्ध संगठिन हुनुको विकल्प नरहेको बताए । उनले अरु जातिभन्दा इमान्दारिता प्रस्तुत गर्न सक्ने सार्की जाति राजनीतिक रुपमा सचेत हुन आवश्यक रहेकोमा जोड दिए ।

नेपालीले देशव्यापी रुपमा समाजको संगठन विस्तार गरी विभेदका विरुद्ध लड्ने बताए । उनले सार्की जातिले आर्थिक अभावमा शिक्षा पहुँचबाट टाढा हुने अवस्थाको अन्त्यका लागि छात्रवृत्ति अक्षयकोर र स्वास्थ्योपचार गर्न नसक्नेहरुका लागि स्वास्थ्य अक्षयकोषको स्थापना गर्ने बताए ।

यस्तै कार्यक्रममा प्रदेश सांसद यमु गैरेले प्रदेश सभामा दलित हकहित, अधिकार र आर्थिक समृद्धिका लागि आवाज उठाउँदै आएको बताए । उनले विद्यालयको शुल्क तिर्न नसकेर विद्यार्थीले आत्महत्या गर्ने अवस्थाको अन्त्य गर्नका लागि आफ्नो सक्रियता रहने बताए ।

दलित ऐनको अभावमा मिजार (सार्की) जातिका हकहितमा पर्याप्त काम गर्न नसकिएको उनको जिकिर छ । दलित समुदायको उत्थानका लागि स्थानीय तहस्तरमै सञ्चालन गर्ने गरी कार्यक्रम बनाएको र न्यून आर्थिक अवस्था भएका परिवारका लागि रोजगारमुलक कार्यक्रम प्रदेश सरकारमार्फत सञ्चालन गर्न लागिएको उनले जानकारी गराए ।

सार्की जातिले देशका हरेक परिवर्तनका लागि ठुलो योगदान गरेको स्मरण गर्दै एकताले नै विभेदका विरुद्ध लडने शक्ति प्राप्त हुने गैरेले बताए । उनले सार्की जातिको उत्थानका लागि आफ्नो तर्फबाट सक्दो पहल गर्ने प्रतिवद्धता समेत जनाए ।

यस्तै सम्मेलनले डिल बहादुर नेपालीको अध्यक्षतामा मिजार समाज नेपाल रुपन्देहीको जिल्ला समिति गठन गरेको छ । समितिको उपाध्यक्षमा राजकुमार ठड्राई र सीता रोका, सचिवमा तिल बहादुर नेपाली, सह–सचिवमा पूर्ण बहादुर सार्की र हेम बहादुर नेपाली र कोषाध्यक्षमा भगवता नेपाली चयन भएका छन् ।