लुम्बिनी प्रदेशसभाको बिहीबार बसेको २४ औं बैठकमा ‘प्रदेश निजामती सेवाको गठन, सञ्चालन र सेवाका सर्त सम्बन्धमा व्यवस्थापन गर्न बनेको विधेयक’काे प्रतिवेदन पेश भएको छ।
प्रदेश मामिला तथा कानुन समितिका ज्येष्ठ सदस्य सुधाखर पाण्डेयले विधेयकका विषयमा बनेको प्रतिवेदन सभामा पेश गरे।
यसअघि विधेयकमा दफाबार छलफलका लागि प्रदेश मामिला तथा कानुन समितिमा पठाएको थियो। समितिले उपसमिति गठन गरेर साय सुझाव समेत संकलन गरेको थियो। सुझावको आधारमा प्रतिवेदन तयार पारिएको थियो।
सभामा प्रतिवेदन पेस भएको २४ घण्टापछि बस्ने अर्काे बैठकले विधेयक पास गर्न सक्ने प्रदेश सचिव दुर्लभकुमार पुनले जानकारी दिए। विधेयक पास गर्नको लागि अर्काे बैठक कुर्नुपर्ने देखिएको छ ।
यस्तै, बैठकमा विभिन्न विषयगत समितिका सदस्यहरूको नाम हेरफेरसम्बन्धि जानकारी दिइएकाे छ भने प्रदेश प्रमुखको कार्यालयबाट प्रमाणीकरण भएका विधेयकबारे सभामुख तुलाराम घर्तिमगरले जानकारी गराएका छन्।
