उनले विश्वको परिवर्तित सन्दर्भमा युवाहरुलाई सुस्वास्थ्य, असल ज्ञान , सीप, दर्शन, सिद्धान्त, विचार र समयसापेक्ष शिक्षासंगै इमान्दार र नैतिकवान् भई अगाडि बढ्न प्रेरित गर्नुपर्ने बताए । त्यस्तैगरी शिखा उपन्यासका लेखक अमृत भुसालले युवाहरुमा सकारात्मक सोच आएन भने उनीहरुले समाजमा हेर्ने दृष्टिकोण नकारात्मक हुने बताए । कार्यक्रममा संस्थाका संस्थापक अध्यक्ष राजिव खनाल, प्रमुख सल्लाहकार विकास श्रेष्ठ, आर्थिक सल्लाहकार रोशन नेपाल, सल्लाहकार साकार लम्साल, माधव सापकोटालगायतले बोल्दै पठन संस्कृतिको विकासका लागि पुस्तक पढ्न जरुरी रहेको बताउँदै सकारात्मक सोच बिना लेखन यात्रामा अघि बढ्न नसक्ने बताए ।

कार्यक्रममा संस्थाका अध्यक्ष पारस मरासिनीले बोल्दै युवाहरुमा पठन संस्कृतिको विकास गरेर सुसंस्कृत समाजको निर्माण गनुपर्ने समयको माग भएको बताउँदै सहभागी महानुभावहरुलाई हार्दिक धन्यवाद व्यक्त गरेका थिए । संस्थाका पूर्व अध्यक्ष आविस्कार खनालले अन्तरक्रिया कार्यक्रमको सहजीकरण गरेका थिए भने संस्थाका महासचिव प्रकाश पोख्रेलले कार्यक्रमको सञ्चालन गरेका थिए ।