महिला कानून र विकास मञ्च (एफडब्लूआइडी) ले शनिबार बुटवलमा नेपाल नागरिकता ऐन कार्यान्वयन अवस्था सम्बन्धी सञ्चारकर्मीहरूसँग छलफल कार्यक्रम गरेको छ । ऐन आएपछि कार्यान्वयनको अवस्था र बुझाईबारे पत्रकारहरूसँग छलफल गरिएको हो ।
सो अवसरमा बोल्दै अधिवक्ता सविन श्रेष्ठले नयाँ ऐन आएपछि ४५ हजार नागरिकता बितरण भइसकेको डाटा प्रस्तुत गरे ।
सो अवसरमा उनले अझै पनि नागरिकता ऐनमा केही विषय अस्पष्टता रहेको भन्दै नियमावली पछि समस्या समधान हुने आशा गरे । नागरिकता विधेयक पछि धेरैका समस्या समधान भएको बताउंदै उनले सरकारी केही अस्पष्ट नीतिले अहिले पनि कतिपयले नागरिकता प्राप्त गर्न नसकेको बताए ।
कार्यक्रममा महिला कानुन तथा विकास मञ्च रुपन्देही जिल्ला संयोजक नागेन्द्र बस्याल, बुटवल उपमहानगरपालिकाका वडा नम्बर ११ का वडा अध्यक्ष रामचन्द्र क्षेत्री महिला कानुन र विकास मञ्चका कार्यक्रम अधिकृत विनोदचन्द्र देवकोटालगायतले बोलेका थिए ।
