हरियाली यातायात प्रालिको पांचौं वार्षिक साधारणसभा तथा तेस्रो अधिवेशन सम्पन्न भएको छ । शुक्रवार बुटवलमा एक कार्यक्रमको आयोजना गर्दै साधारणसभा एव अधिवेशन सम्पन्न भएको हो ।
अधिवेशनको उद्घाटन गर्दै नेपाल उद्योग परिसंघ लुम्बिनी प्रदेश अध्यक्ष एजाज आलमले पैदल रिक्साको कारणले धेरै ब्यक्तिलाइ समस्या भएकोले ईरिक्साको आगमनले धेरैको स्वास्थ्यमा राम्रो प्रभाव परेको बताए ।
उनले रिक्साहरु सञ्चालन हुनु आफैमा स्वरोजगार भएको भन्दै यसको व्यवस्थापनमा भने सरोकारवालाले ध्यान दिनुपर्ने बताए । घरेलु तथा साना उद्योग महासंघ लुम्बिनी प्रदेश वरिष्ठ उपाध्यक्ष गणेश अधिकारीले ईरिक्सा सञ्चालन गर्नेहरुले ट्राफिक नियमको पालना गरेमा दुर्घटना न्यून हुने भन्दै त्यस तर्फ ध्यान दिन आग्रह गरे ।
साथै उनले ई रिक्सा ब्यवसायीका समस्या समाधानका लागि सहकार्य गर्न तयार रहेको बताए ।
उपभोक्ता हित संरक्षण मञ्च बुटवलका अध्यक्ष समुन्द्र जिसिले बिगत ४ वर्ष यता प्राली संग संगै रहेको बताउदै अहिले सम्म आवश्यक समन्वय गर्दै आएको बताए ।
उनले युवालाइ बिदेश पलायन हुन बाट रोक्ने हिम्मतका साथ स्वरोजगार मुलक ब्यवसाय गरेका ब्यक्तिहरुको सम्मान गर्नुपर्ने भएपनि इरिक्सा थप्दै लैजानु गलत हुने बताए ।
बुटवलमा अहिले १४४० ईरिक्सा सञ्चालन गर्न मिल्ने भनेको र सो अनुसार ब्यवस्थापनका कामहरु गर्दै आएको जानकारी दिए ।
प्रालिका अध्यक्ष कृष्ण प्रसाद तिवारीले ई रिक्सा व्यवस्थापनमा प्रा.लिले बुटवल उपमहानगरपालिका संग सहकार्य गर्दै अगाडि बढेको बताए । कोषाध्यक्ष यज्ञ प्रसाद गैरेले लेखा प्रतिबेदन प्रस्तुत गरेका थिए ।
कार्यक्रममा टेरा मोटर्सका सञ्चालक ज्ञान प्रसाद बस्याल,प्रालिका पूर्व सचीव गोपाल रिजाल लगायतले बोल्दै ई रिक्सा चालक एव ब्यवसायीलाई एक स्थानमा राखेर सिंगोे टिम बनाएर काम गर्न आग्रह गरेका थिए ।
