पेट्रोलियम पदार्थमा भएको मूल्यवृद्धिको विरोध गर्दै नेकपा एमाले निकट अनेरास्ववियुले बुटवलमा एक घण्टासम्म चक्काजाम गरेको छ ।
सरकार हिजाे राति देखि बढाएकाे पेट्रोलमा मुल्य ५ रुपैया र डिजेलमा १४ रुपैयाँ वृद्धि गरेकाे भन्दै बुटवल बहुमुखी क्याम्पस अगाडि १ घण्टा चक्का जाम गरेकाे हाे । चक्का जाम बिहान सात बजे देखि अाठ बजे सम्म बुटवल क्याम्पस अगाडि गरिएकाे थियाे ।
साे क्रममा विद्यार्थीहरुले प्रचण्ड सरकार राजिनामा दे, मुल्य बृदि फिर्ता गर, नालायक सरकार राजिनामा दे लगायतका नारा लगाएका थिए ।
सरकारले निरन्तर पेट्रोल र डिजेलकाे मुल्य नघटाए सम्म अान्दाेलनका कार्यक्रम निरन्तर गरिरहने अनेरास्ववियु बुटवल क्याम्पस कमिटी अध्यक्ष कृष्ण पाण्डे ले बताए ।
