स्थायी सरकार निर्माणसंगै समृद्ध नेपालका लागि एमाले नेतृत्वको सरकार आवश्यक रहेको मतदाताको भनाइ थियो । उनीहरुले सडक निर्माण, नाली तथा ढलको निकास, स्वास्थ्य र शिक्षामा नयाँ आयम ल्याउने गरी काम गर्नसमेत उम्मेदवार गिरीलाई मतदाताको आग्रह थियो ।

मतदाताको सुझाव लिदै घरदैलोमा पुग्दा मतदातामा उत्साह देखिन्थ्यो ।

मतदाताको सुझावपछि नेता गिरीले एमाले सरकारमा रहँदा वा नरहँदा जनताको पक्षमा सधै रहेको बताउँदै एमाले नेतृत्वको सरकार निर्माणपछि देशमा सुशासन, आर्थिक समृद्धिको नयाँ बाटो तय हुने बताए । साथै उनले स्थानीय तहमा हुने गरेका समस्याहरुलाई सरकार निर्माण हुन साथ सुरु गर्ने बताए ।

उनले तिलोत्तमा वडा नंं ३ लाई सडक सञ्जालमा विस्तार गर्न योजना बनाएर अघि बढ्ने प्रतिबद्धतासमेत जनाए । उनले सो क्षेत्रमा अहिले पनि अव्यवस्थित, सुकुम्बासीहरुको समस्या रहेको बताउँदै त्यसको समधान एमालेले पहिलो प्राथमिकतामा राखेर गर्ने बताए ।

एमाले नेतृत्वको सरकार भुमि आयोग गठन गरेर लालपूर्जा वितरण गर्नै लाग्दा सरकारबाट बाहिरिनुपरेको उल्लेख गर्दै उनले सुकुम्बासी र अव्यवस्थित बसोबासीहरुको समस्या एमालेले मात्र पूरा गर्ने बताए ।

पुर्वमन्त्रीसमेत रहेका गिरीले तिलोत्तमा वडा नं. ३ मा खेलपूर्वाधार निर्माणलाई पनि प्राथमिकतामा राखेर योजना अघि बढाउने बताए । ‘हामीले तत्काल गर्नसक्ने कामलाई पहिलो प्राथमिकतामा राख्नेछौ । त्यसपछि क्रमस ड्रिम योजनाहरु निर्माण हुनेछन् । त्यसपछि विकासले कायापलट हुनेछ ।’ उनले भने ।