विद्यालय, संघसंस्था, अस्पतालहरुलाई सचेतना कार्यक्रममा सहभागी गराउंदै डेंगु नियन्त्रणको अभियानमा सहभागी गराईएको छ ।

बुटवलमा डेंगुको संक्रमितको संख्या नबढेको र डेंगुको प्रभाव बढ्न नदिनका लागि सचेतना कार्यक्रम सञ्चालनका लागि खोज र नष्ट गर अभियान सञ्चालन गरिएको बुटवल उपमहानगरपालिकाले बताएको छ ।

संक्रमितको तथ्यांक एकीकृत रुपमा संकलन गरी एकद्वार प्रणालीबाट बुटवल उपमहानगरपालिकालाई बुझाउने निर्णय गरिएको उपनिर्देशक पाण्डेले बताए । नीजि क्लिनिकमा जांच गरेर उपचार गराउनेहरुले संख्या उपलब्ध गराउनका लागि बुटवल उपमहानगरपालिकाले आग्रह गरेको छ ।

रुपन्देहीमा ४६ जना संक्रमित फेला परेको अस्पतालहरुले बताएपनि बुटवलमा अहिलेसम्म संक्रमित फेला नपरेको उपमहानगरपालिकाले जनाएको छ ।

बुटवल उपमहानगरपालिकाका नगरप्रमुख खेलराज पाण्डेयले बुटवलभित्र डेंगु नियन्त्रणका लागि सञ्चालन भएको अभियानलाई निरनतरता दिने बताए । एकसाथ अभियान सञ्चालन गरेर संक्रमण फैलिन नदिनतर्फ ध्यान नगरवासीलाई आग्रह गरे ।