जिल्ला अधिवेशनपछि बढ्दै गएको विवाद सदस्यता खारेजी र कुटपिट गरेको विषय प्रहरीसम्म पुगेपछि रास्वपाको आलोचना हुन थालेको छ ।

विवाद बढ्दै गएपछि अहिले जिल्लाका संयोजक रहेका प्रकाश ज्ञवालीलाई हटाएर प्रदेश कमिटी सदस्य बुद्धिप्रसाद शर्मालाई रुपन्देहीको संयोजक बनाइएको छ ।

त्यसैगरी यो विवाद बाहिर ल्याउने सैनामैनाका दामोदर खत्रीलाई पार्टीको केन्द्रीय अनुसन्धान टिमले काठमाडाैं बोलाइएको छ ।

विवाद सार्वजनिक गरेका पार्टीका सैनामैनाका दामोदर खत्रीले पार्टीभित्रका समस्या बाहिर ल्याएको र यो विषयमा केन्द्रीय अनुसन्धान टिमले ४ गते काठमाडाैं बोलाएको बताए ।

रास्वपाका लुम्बिनी प्रदेश अध्यक्ष देवराज पाठकले जिल्लाभित्र नेतृत्वको बीचमा विवाद भएकाले नयाँ विकल्पका लागि नेतृत्व फेरिएको बताए।

‘माघ २४ मा प्रकाश ज्ञवालीलाई अध्यक्ष बनाइएको थियो, तर केही विवाद आए, उहाँ सरकारी शिक्षक पनि भएकाले नेतृत्व फेरिएको हो, अब रुपन्देहीको संयोजक प्रदेश कमिटी सदस्य बुद्धि शर्माले गर्ने गरी जिम्मेवारी तोकिएको छ, कुटपिटको विषयमा त्यो घटनामा संलग्न दामोदर खत्रीलाई इलाका प्रहरीमा माफी मगाएर आगामी दिनमा गल्ती नगर्ने गरी कागज गराइएको छ’ उनले भने ।