प्रतियोगितामा रनिङ शिल्ड विजेता विद्यालयले नगद २५ हजार राशी प्राप्त गर्नेछ भने उप विजेता र तृतीय हुने विद्यालयलाई समेत क्रमशः १५ हजार र १० हजार नगद राशीले सम्मान गरिने संयोजक पियाले जानकारी दिए । यसैगरी विधागत तर्फ छात्रा÷छात्र भलिबल प्रतियोगितामा विजेता दुबै समूहलाई नगद १५ हजार, द्वितीय हुने समूहलाई ७ हजार ५ सय कबड्डी तर्फ पनि प्रथम, द्वितीय र तृतीयलाई क्रमशः १५ हजार ७ हजार ५ सय र ३ हजार ५ सय नगद राशी प्रदान गरिने बताइएको छ । एकल प्रतिस्पर्धा तर्फ कराँते र तेक्वान्दोमा प्रथम, द्वितीय र तृतीय हनेलाई जनही क्रमशः २ हजार १ हजार ५ सय र १ हजार रुपैयाँ नगद प्रदान गरिने भएको छ । प्रतियोगितामा सहभागी विद्यार्थीका लागि खेल अवधिमा हुन सक्ने दुर्घटनालाई मध्यनजर गरी दुर्घटना बीमाको समेत व्यवस्था गरिएको खेलकूद समितिले जानकारी गराएको छ ।

बुटवलमा हुने यो प्रतियोगितालाई खेलकूद मेलाको रुपमा लिइएको र यहाँबाट विद्यार्थीका उत्कृष्ट प्रतिभाहरु हेर्न सकिने बुटवल उपमहानगरका नगर प्रमुख खेलराज पाण्डेयले बताए । बुटवलकै उत्कृष्ट खेलकूद प्रतियोगिताको रुपमा सम्पन्न गर्न नगर प्रमुख पाण्डेयले निर्देशन समेत दिए । यो प्रतियोगिताले विद्यार्थीको खेल प्रतिभा उजार गर्नुका साथै सामुहिक भावना र प्रतिस्पर्धात्मक क्षमताको बिकास गर्ने विश्वास लिइएको उनले बताए । खेलकूदको माध्यमबाट विद्यार्थीको शारीरिक तथा मानसिक बिकासमा टेवा पुर्याउन प्रतियोगिताले सहयोग पुग्ने उप प्रमुख सावित्रादेवी अर्यालले विश्वास व्यक्त गरिन् ।