सो अवसरमा बोल्दै क्लवका अध्यक्ष पूर्ण ज्ञवालीले समाजिक उत्तरदायित्व अनुसार मृगौला तथा मुटु पिडितहरुलाई व्लाङकेट वितरण गरेको बताए । क्लवले शिक्षा, स्वास्थ्य, सरसफाई जस्ता सामाजिक कार्य गर्दै आएको बताउंदै स्वास्थ्य कार्यक्रम अन्तर्गत मृगौला तथा मुटु पिडितलाई व्लाङकेट वितरण गरिएको बताए ।

समाजका अध्यक्ष माधव प्रसाद श्रेष्ठले क्लवको सहयोग प्रति धन्यवाद ज्ञापन गरे । साथै उनले मृगौला डाइलासिस गरिरहेका विरामीहरुको उपचार सेवा वापत सरकारले मुटु अस्पताललाई भुक्तानी नदिएकाले सेवा रोक्ने खवर सुन्दा धेरै विरामीहरु संसकित भएको बताए।

उनले मृगौला डाइलासिस अस्पताल रोके धेरै विरामीहरु अप्ठयारोमा पर्ने बताउंदै अस्पतालको रकम भुक्तानी छिटो गर्न सरकारलाई माग समेत गरे । कार्यक्रममा क्लवका पूर्व अध्यक्ष होमराज बस्याल, पेसिडेन्ट बावुराम बोहोरा, कोषाध्यक्ष डोलराज भण्डारी, सह सचिव युवराज आचार्य, समाजका संस्थापक अध्यक्ष रमेश केसी लगाएतले बोलेका थिए ।

कार्यक्रम समाजका सचिव गोकुल ढकालको सञ्चालनमा सम्पन्न भएको थियो ।