बुटवल । बुटवलको न्यू होराइजन आवासीय अँग्रेजी माध्यमिक विद्यालयले आगामी शुक्रबारदेखि ३२ औँ संस्करणको लुम्बिनी प्रदेश स्तरीय न्यू होराइजन क्वीज सञ्चालन गर्ने भएको छ । विगत ३२ वर्ष लामो समयदेखि प्रतियोगिता गर्दै आएको यस विद्यालयले यस वर्षको क्वीजमा पहिलो चरणको प्रतिस्पर्धा यही मंसिर २८ गते शुक्रबारदेखि सुरु गर्दैछ ।
प्रतियोगिता बारे जानकारी गराउन विद्यले मँगलबार आयोजना गरेको कार्यक्रममा बोल्दै प्राचार्य लोकनाथ उपाध्यायले यस वर्ष सहभागीको सङ्ख्या थप बढ्ने दाबी गरेका छन् । गत वर्ष लुम्बिनी प्रदेशभरीका विभिन्न विद्यालयबाट १८६ जना विद्यार्थीले प्रतिस्पर्धा गरेका थिए भने यो वर्ष उक्त सङ्ख्या २ सय जना बढी हुने अपेक्षा गरे । प्रतियोगितामा लुम्बिनी प्रदेशका विद्यालयहरुलाई लक्षित गरि ३ ठाउँमा पहिलो चरणको प्रतिस्पर्धा गराई छनोट भएका विद्यालयबाट फाइनल प्रतिस्पर्धा गराइने प्राचार्य उपाध्यायले जानकारी दिए । जस अन्तरगत दाङ, रोल्पा, बाँके, बर्दिया, पूर्वी रुकुम र प्युठान जिल्लाका विद्यालयलाई लक्षित गरी दाङको लमहीमा प्रतियोगिता गराइने भएको छ । यसैगरी पाल्पा, गुल्मी र अर्घाखाँचीलाई लक्षित पाल्पाको न्यू होराइजन माविमा तथा रूपन्देही, नवलपरासी र कपिलवस्त जिल्लालाई लक्षित गरि बुटवलको न्यू होराइजन मावि देवीनगरमा पहिलो चरणको प्रतिस्पर्धा गराइने विद्यालयले जनाएको छ ।
पहिलो चरणको प्रतियोगितामा विजेता र उपविजेता हुने विद्यालय फाइनल प्रतिस्पर्धाका लागि छनोट हुने छन् । यसरी छनोट भएका विद्यालयहरु बीच आगामी मंसिर १३ गते शनिबार बुटवलको न्यू होराईजन मावि देविनगरमा प्रतिस्पर्धा गराइने विद्यालयले जनाएको छ । प्रतियोगितामा फाइनल प्रतिस्पर्धाबाट विजेताले नगद ४० हजार पुरस्कार राशी प्राप्त गर्नेछ भने उपविजेताले २५ हजार तथम तृतीय हुने विद्यालयले नगद २० हजार पुरस्कार राशी प्राप्त गर्ने बताइएको छ ।
यसैगरी पहिलो चरणको प्रतियोगसतामा विजेता बनेका विद्यालयहरुलाई समेत नगद पुरस्कार प्रदान गरिने विद्यालयले जनाएको छ । जस अन्तरगत विजेता, उपविजेता र तृतीय हुने समुहलाई क्रमशः ९ हजार, ६ हजार तथा ४ हजार ५ सय पुरस्कार राशी प्रदान गरिने बताइएको छ । विद्यालयले यश प्रतियोगितालाई निरन्तरता दिँदै आगामी वर्षहरुमा राष्ट्रिय स्तरको बनाउने लक्ष्य राखेको विद्यालयका अध्यक्ष ज्ञानेन्द्र कसजुले बताए । प्रतियोगितालाई निस्पक्ष बनाउन आयोजक विद्यालयको सहभागिता नरहे व्यवस्था हुँदै आएको उनले बताए । गत वर्षको ३१ औँ श्रृङ्खलामा बुटवलको एभरेष्ट ईङ्गलिस बोर्डिङ स्कूल प्रथम, दाङ तुल्सिपुरको अमर बोर्डिङ स्कुल द्वितीय तथा पाल्पाको जनता मावि तृतीय हुन सफल भएका थिए ।
