विस्तारको क्रममा रहेको बुटवल-नारायणगढको दाउन्ने खण्ड अबको दुई महिना एकतर्फी मात्रै सञ्चालन हुने भएको छ ।
केही दिन अघिको पानीले दाउन्ने क्षेत्रमा हिलोले गाडी चिप्लिएर यातायात आवागमनमा कठिनाइ भएपछि सडक विभागले अत्यन्त जरुरी सूचना गर्दै आगामी २ महिना सडक एकतर्फी सञ्चालन हुने जानकारी दिएको हो ।
‘…आगामी दिनहरूमा पुनः वर्षा भएमा हाल कलभर्टहरू निर्माणाधीन भई एकतर्फी सडक सञ्चालन भइरहेको स्थानमा सवारी साधनहरू सञ्चालनमा थप कठिनाइ हुने सम्भावना रहेको छ । तसर्थ, उक्त कल्भर्टहरूको निर्माण कार्य सम्पन्न नहुन्जेल अबको करिब दुई महिना (अर्थात् २०८२ पुष १५ सम्म) यस सडक खण्डमा यात्रा गर्नु अघि सडकको अवस्थाबारे सही तथा अद्यावधिक जानकारी प्राप्त गरी मात्र यात्रा गर्न सबैमा अनुरोध छ,’ विभागद्वारा जारी सूचनामा भनिएको छ ।
सडकको विकल्पमा बुटवल स्याङजा, पोखरा, काठमाडौं, त्यस्तैगरी बुटवल पाल्पा हुँदै कालीगण्डकी करिरोडबाट नारायणगढ र दुई र चारपाङ्ग्रे साना गाडी दुम्कीबास, ज्यामिरेडाडा, डमार हुँदै भुताहा प्रयोग गर्न विभागले आग्रह गरेको छ ।
