लगातार ज्वरो र रुघाखोकीपछि उनी सुरूमा नजिकैको औषधि पसल गएकी थिइन् । तर, अवस्था बिग्रिएपछि उनलाई गुल्मीको रुरुक्षेत्रस्थित प्राथमिक स्वास्थ्य केन्द्र लगिएको थियो । अक्सिजन कम देखिएपछि उनलाई थप उपचारका लागि पाल्पा अस्पताल पठाइएको थियो । तर, बाटैमा बेहोस भएको र अस्पताल पुर्‍याउन नपाइ मृत्यु भइसकेको जिल्ला स्वास्थ्य कार्यालयका सूचना अधिकारी मधुसुदन भट्टराईले जानकारी दिए।

समयमा अस्पताल नलगिनु, स्वास्थ्य अवस्था जटिल हुनु र स्क्रबटाइफस पोजेटिभ देखिनु बालिकाको मृत्युको प्रमुख कारण बनेको उनले सुनाए ।

यस वर्ष भदौ ६ गतेसम्म पाल्पामा २३८ जनामा स्क्रबटाइफस पोजिटिभ देखिएको छ । रैनादेवी छहरा गाउँपालिका स्वास्थ्य शाखा प्रमुख जीवन रानाका अनुसार साउनयता मात्रै गाउँपालिकामा ४८ जना स्क्रबटाइफस पोजिटिभ देखिएका छन् । टाउको दुख्ने, उच्च ज्वरो आउने, गर्धन र घाँटी वरिपरि मसिना दाग-बिमिरा देखिनु स्क्रबटाइफसका प्रमुख लक्षण हुन् ।