५ वर्षअघि मैले नमस्ते नेपालसँग जोडिने निर्णय गरेँ। त्यो समय मेरो मनमा एउटा मात्र भावना थियो— समाजको लागि केही गर्ने। संस्थाको नारा, उद्देश्य र कार्यशैलीले मलाई गहिरो रूपमा छोयो। पहिलो दिनदेखि नै मैले बुझेँ, यो संस्था केवल नाम मात्रको होइन, समाज रूपान्तरणको एक मजबूत अभियान हो।

सेवाबाट सशक्तिकरणसम्मको यात्रा

नमस्ते नेपालमार्फत मैले थुप्रै सामाजिक परियोजनाहरूमा सहभागी हुने अवसर पाएँ ।
– जन्म दिन मा बृक्षरोपण कर्यक्रम
-शिक्षा र स्वास्थ्यमा पहुँच अभिवृद्धि गर्ने अभियान
-वातावरणीय सचेतना र सरसफाइ अभियान
– युवा लक्षित कर्यक्रम

यी सबै कार्यक्रममा सहभागी हुँदा मैले देखेँ, सानो सहयोगले कसरी कसैको जीवन बदल्न सक्छ। अनि हरेक प्रोजेक्टपछि मेरो मन अझै बलियो हुन्थ्यो — “हो, म सही बाटोमा छु।”

चुनौती र उत्साह सँगै

हरेक काम सजिलो हुँदैन। कहिले स्रोत अभाव, कहिले समयको चुनौती, कहिले समाजबाटै अपहेलना पनि खेप्नुपर्‍यो। तर मेरो आत्मबल, सहकर्मीहरूको साथ र संस्थाको स्पष्ट मार्गनिर्देशनले मलाई रोक्न सकेन। चुनौतीहरू मेरा गुरु बने, जसले मलाई अझ जिम्मेवार, धैर्यवान र संवेदनशील बनायो।

सहकार्य र निरनतरता नमस्ते नेपाल केवल संस्था होइन, यो मेरो परिवारजस्तै बनिसकेको छ। यहाँका साथीहरू, प्रशिक्षकहरू र पदाधिकारीहरूसँगको सहकार्यले मलाई टीमवर्क, नेतृत्व र व्यवस्थापनका धेरै कुराहरू सिकायो। हामी सबैको साझा लक्ष्य — एक न्यायपूर्ण, शिक्षित र समावेशी समाज निर्माण — हाम्रो ऊर्जा र प्रेरणाको स्रोत बन्यो।

आजको प्रतिबद्द्ता आज जब म पछाडि फर्किएर हेर्छु, यी ५ वर्ष केवल समयको गणना होइन, यी मेरो मानवीयताको परिपक्वता, सोचको विस्तार र कर्मको शुद्धताको दस्तावेज हुन्। म गर्वका साथ भन्न सक्छु — नमस्ते नेपाल मेरो जीवनको अभिन्न अंश बनेको छ ।
अन्त्यतत
सामाजिक सेवा भनेको कहिल्यै सकिने यात्रा होइन, यो निरन्तर बहने स्रोत हो। म आज पनि सिक्दै छु, गरिरहेको छु र भविष्यमा अझ प्रभावकारी रूपमा योगदान गर्ने अठोटका साथ अघि बढिरहेको छु।

“जहाँ जरुरत छ, त्यहीँ हाम्रो उपस्थित होस्” — यही मूलमन्त्रलाई आत्मसाथ गर्दै, म नमस्ते नेपालसँगको यो यात्रालाई अझ सशक्त बनाउने छु । यो यात्रा मा हामि अहिले महाधिवेशन को सघार मा छौ । महाधिवेशन पछाडि अझ सशक्त ढङ ले अगाडि बढेर नया योजना साथ अगाडि बढने मेरो चाहाना छ जस्को लागि मैले नेतृत्व दाइ भुमिका खेल्न जरुरी छ । अब को यात्रा नमस्ते नेपालको नेतृत्व ।